zap tharwat – fil sama كلمات اغاني
“كلمات زاب ثروت “في السما-
[المقطع الاول: زاب ثروت]
الحفلة زحمة مليانة وشوش كتير اعرفها
خيلان و عمام و اسامى لسه صعب انطقها
عشرة و محبة واضحين مبين الناس حواليه
بيقولو ده عيد ميلادى الحفلة ديه معموله ليا
مبين كتير هداية كان جواب مبعوت لإسمى
مكتوب عليه بخط امى لحبيبى ابنى
طب ليه جواب ما انتى دايماً جنبى طول الوقت
بلاش لماضة بقى افتح جوابك لو سمحت
قالتلى فى الجواب كل سنة وانت زيى
ما انت جوه قلبى فى المكانة ملكش زيي
تكبر و اشوفك زى ما انت عايز تبقى عايز
كده او كده حبيبى و لكلام جوابى حاسس
و كبرت اكتر و سنينى زادت عن صوابعى
عصبى و صوتى عالی أمى خافت يبقى طبعى
فقالتلى يا ابنى خلي بالك دايما من كلامك
الكلمة سيف يا تقل منك يا تزيد مقامك
و فى يوم رجعت من المدرسة متبهدل مـ التراب
و سألت إزاى الغدر ممكن يجى مـ الصحاب
و حكتلها الخناقة و سمعتني بكل صبر
و قالتلى لما تهدى ابقى اقرأ من أول سطر
كانت كتبالى جواب عن الصحاب و الجدعنة
و قالتلى اختار الي يقول احنا بدل ما يقول أنا
و اعرف ان الصحاب لا بالكترة ولا بالعدد
فى الشدة هما اتنين تلاتة عليهم تعتمد
[اللازمة: امير عيد]
فى السما بشوفك لما الدنيا بيا تضيق
و فى الليل بحكيلك عن كل قديم و جديد
فى غيابك دايما جنبى
كلامك محفور فى قلبى
رسالتك مش بس كلام
رسالتك إنسان أكونُ
[المقطع الثاني: زاب ثروت]
و كبرت اكتر
و الدنيا كبرت اكتر بيا
و بدأت أحس جوة منى إحساس جديد عليا
فحكيتلها عن أحلى بنت
فى الجامعة كلها
وصفتها لأمي قلت مشفتش زيها
مش عارف أقولك إيه بس شكلى بحبها
قلتيلي احكيلي عنها اكتر قولى اسمها
مش عارف
و متضحكيش عليا انتى كمان
متسرع على طول مدلوق من صغرى من زمان
فقالت لي اهم حاجة لما تحب لازم تقدر
تعرف قيمة حبيبتك و لأحلامها اياك تكسر
و متستعجلش
قول الكلمة لما تحسها
و اوعاك تخبى عنها حاجة دايما قولها
عدت سنين كتير و شوفتى ولاد ولادك
رغم الفراق ما بينا عمر ما عيد ميلادى فاتك
بتجيلى فى كل فرحة و بردو لما تضيق عليا
أنا مش مصدق انى عمرى ما شوفتكيش بعنيا
ربي اختارك تكوني جنبه و انا لسة فى اللفة
اكيد مكانك أحلى وأنا مبسوط لك أنتي عارفة
فكتبتى ليا لوحدى يجى ألف جواب و قصة
بتحاولى تعوضينى عن اللى فاتنى و اللى لسة
بس انتى بتوحشينى
و بتمنى تكوني قربي
طول عمري بحس بيكى
فكان نفسى تحسى حبى
سمعانى اكيد يا امى
و اكيد كمان شايفانى
لو مش شايفك بعينى فقلبى شايفك من مكانى
[اللازمة: امير عيد]
فى السما بشوفك لما الدنيا بيا تضيق
و فى الليل بحكيلك عن كل قديم و جديد
فى غيابك دايما جنبى
كلامك محفور فى قلبى
رسالتك مش بس كلام
رسالتك إنسان أكونُ
كلمات أغنية عشوائية
- dj drama › dj drama – ain’t no way around it كلمات اغاني
- the subways › the subways – rock & roll queen كلمات اغاني
- jadakiss › jadakiss – lay ’em down كلمات اغاني
- emerson drive › emerson drive – sleep it off كلمات اغاني
- katie melua › katie melua – blues in the night كلمات اغاني
- mali music › mali music – the job experience كلمات اغاني
- the chemical brothers › the chemical brothers – galvanize كلمات اغاني
- yg › yg – i got bitches كلمات اغاني
- marc broussard › marc broussard – let it all out كلمات اغاني
- victorious cast › victorious cast – i want you back كلمات اغاني