shahyn – rabena ma’ak | ربنا معاك كلمات اغاني
verse 1 (boflot):
بدايتي منين أقولكوا ايه؟ الحياه صعبة كدة ليه؟
بنكد بنتعب بنعاني بنطلع المنا في اغاني
حبيت و كرهت..بعدت قربت..من مر الدنيا سقيت و شربت
غدر و حقد مفيش حنية الدنيا دي ليه جيا عليا
جروح و دموع من متاعبها و دمار و فساد من مخالبها
قريب بيموت و بعيد بيعود و الدنيا من أدامنا تفوت
و كلام مكتوب و زمان بيدوب و الأخ لأخوه مش محبوب
هو أنا موجود في الوجود ولا لسه مش مولود
ألحق نفسي قبل ما اتوه لازم أسجد للمعبود
قبل ما كل الوقت يفوت ألاقي طريقة بيها أتوب
دي اّخر فرصة ليا أتعلم م اللي قبليا
قبل ما ييجي اليوم و يبقي تراب فوقية و تحتية
this is war now i got no friends it’s either you’re a brother
or considered just another enemy for the edge of my sword now
ask allah to forgive we all humans we sin
words can change the world inside the hearts of men
chorus x2:
ربنا معاك..مش هينساك
هيفضل جنبك موجود لو كل اللي حواليك باعوك
خليك دايما فاكره و قوي ايمانك بيه
اعمل بس انت اللي عليك و سيب الباقي عليه
verse 2 (dragonh_ll):
أسفك حاليا بقي مرفوض حطيت مابيني و بينك حدود
دنيا بتلمع تدينا الوعود و بتخلي بينا ان كانت تعود
حواجه الدنيا حقيقتي أقوي من كدبتكوا الفانية
أيوة حياتي صعبة بس خدها قاعدة رد فعلي بييجي في ثانية
ليه أسيب حقي في دنيا محدش شايل حملها غير ضهري
كان مين نفعني؟ كان مين جه مكاني لحظة واحدة شال همي
كل اللي خاني عايشين في دنيا دوارة هيدوق ألمي
قد التحدي..ياما شوفت الموت بعيني و كان مين لحقني
لو جاتلي الفرصه هتيجي ادامي انا عمري ما هنسي و امسح زماني
لو حد الادني كلمات جناني فالحد الاقصي هتشوف ظلامي
اسقي الوردة..يكبر شوكها يقتلك بأعصاب باردة
الخيانة واردة..من أقرب حد ليك توقع المفارقة
مانا خدت علقة من كل حدث في حياتي كانت المعادلة
يا تموت يا تشقي ايام توجع و السم بقي طعمه احلي
شايفك راكبك العار مذلول أدامي
مانا عمري ما هبقي زيك و اضرب في ضهرك و دي اللي واجعاني
عالم أناني
chorus x2
ربنا معاك..مش هينساك
هيفضل جنبك موجود لو كل اللي حواليك باعوك
خليك دايما فاكره و قوي ايمانك بيه
اعمل بس انت اللي عليك و سيب الباقي عليه
verse 3 (shahin):
كام مرة اتقرصت اتظلمت كتير و اترفصت
كعبلني من ضهري كام مقص دا كلام اترص نابع من النقص
كام مرة أحس بالعجز اتهز اعيش في شرنقة زي دود القز
و الضغط يعلي و علي سناني بأجز.. دا شيء مستفز
في ناس كتير بخمسميت وش فمعلش أنا ماباّمنش
و الضربة اللي تعلم ماتموتش فانا أبقي غبي لو مابتعلمش
ما طول ماحنا عايشين نتعلم..نشوف حاجات تجن و حاجات تشل
و حاجات كتير تخليك تخبط دماغك في الحيط من كتر الغل
خد و هات ما هي دي الحياه
أنا زمان كنت مكروش من الدنيا كلها
و ياما الناس قالوا عليا قالوا كلام
بس أنا عمري ما حطيت في دماغي عشان أعرف أنام
طب كام ذنب انا هارتكب كام مرة حقي بيتسلب
كام مرة اتنازل و اتركب؟ كام سنة حطيت علي قلبي قفل؟
يلا طوف و شوف ناس بالألوف ناس بتراضيك و عليك تلوف
ناس بتعاديك و ناس فيك تشوط و ناس يكرهوك يتمنولك الموت
chorus x2
ربنا معاك..مش هينساك
هيفضل جنبك موجود لو كل اللي حواليك باعوك
خليك دايما فاكره و قوي ايمانك بيه
اعمل بس انت اللي عليك و سيب الباقي عليه
كلمات أغنية عشوائية
- 1k pson › 1k pson – no cap shawty كلمات اغاني
- jet trouble › jet trouble – god and me كلمات اغاني
- yade lauren › yade lauren – str8 up كلمات اغاني
- nuclear bubble wrap › nuclear bubble wrap – kenny’s lament كلمات اغاني
- madison beer › madison beer – selfish (alan walker remix) كلمات اغاني
- randy romero › randy romero – desasosiego كلمات اغاني
- mrs piss › mrs. piss – you took everything كلمات اغاني
- josiah williams › josiah williams – look at you now كلمات اغاني
- vose › vose – ghosts كلمات اغاني
- entre aspas › entre aspas – só, só por ti كلمات اغاني