a b c d e f g h i j k l m n o p q r s t u v w x y z 0 1 2 3 4 5 6 7 8 9 #

semsem shehab – mahaslaksh | محصلكش كلمات اغاني

[المقدمة]
إحنا ليه مبنتعلمشي من اللي بيحصل حوالينا
إحنا ليه قلوبنا ماتت ودموعنا نشفت في عينينا
عايشين من غير احساس تهنا من روحنا خلاص
عايشين من غير احساس تهنا من روحنا خلاص
وبيحصل مهما بيحصل مبنتعلمش يا ناس
مبنتعلمش يا ناس، يا ناس، مبنتعلمش يا ناس

[المقطع الأول]
محصلكش، محصلكش
إنك مرة بعينك شوفت واحد كان واقف وياك
عايش مبيشكيش من حاجة وبيتكلم عادي معاك
وبعد ما يمشي يادوب وفي ثانية تعرف إنو فارق الدنيا
من غير أسباب عُمره بيخلص وإنت عايشها مبيهمكش
محصلكش، محصلكش
إنك شوفت واحد كان فوق ربنا كرمه كتير واداه
فاكر إنو هيفضل فوق وإن الدُنيا بقت ديمالو
لكن فجأة في غمضة عين ضاع منه اللي بناه في سنين
واتهد وحاله كده اتغير أصل زمانه مبيفرقش

[اللازمة]
محصلكش
حاسب نفسك فكر ثانية قبل ما يجي عليك الدور
من جواك بقي شيل الضلمه قبل ما تنسى شكل النور
محصلكش
[المقطع الثاني]
إن دموعك نزلت منك على واحد شايفو بيتألم
بينه وبين الموت كام خطوة راضي بأمر الله ومسلم
وعشان ربنا حاسس بيه مد في عُمره وخده بإيديه
دبت فيه الروح من تاني لسه كلامي موصلكش
محصلكش، محصلكش
إنك مرة كُنت حاسبها ومفكر روحك كسبان
مش سايب ولا غلطة عشانها تطلع في الأخر خسران
وبعد ما تبقى واثق من نفسك
تاخد الحاجة مش اللي في نفسك
وده علشان ربنا مش رايد اللي بتحلم بيه مجلكش

[اللازمة]
محصلكش
حاسب نفسك فكر ثانية قبل ما يجي عليك الدور
من جواك بقي شيل الضلمه قبل ما تنسى شكل النور
محصلكش

[المقطع الثالث]
إنك مرة وقفت بتبكي ودموعك بداري عينيك
وبحرقه واحد ندمان خايف من اللي هيحصل ليك
إرفع إيدك بقي لله قولو سامحني عشان تلقى
ده اللي مخليك عايش فيها على طول فاكرك ما بينساش

[اللازمة]
محصلكش
حاسب نفسك فكر ثانية قبل ما يجي عليك الدور
من جواك بقي شيل الضلمه قبل ما تنسى شكل النور
محصلكش، محصلكش
[الخاتمة]
عايشين من غير احساس

- semsem shehab

كلمات أغنية عشوائية

اهم الاغاني لهذا الاسبوع