a b c d e f g h i j k l m n o p q r s t u v w x y z 0 1 2 3 4 5 6 7 8 9 #

sadat el3almy – mahragan alrap almasri | مهرجان الراب المصري كلمات اغاني

[إم سي أمين]
عارفين مين؟
إديني فرصة أقولك بصراحة
معاك إم سي أمين وعمرو حاحا
سادات وفيلو كانسين الساحة
خد براحة خد دي بدون أباحه
(ههه)
مبنخافش من حد ولا بيهمنا
بنقول رأينا بس إنت جرب تيجي عندنا
بس إحنا هنا اللي إبتدينا
بإدينا نعلي بالمجال بالمدينة
خليك معايا يا ابن اللذينا

[أحمد فيلو]
المزيكا من رأسي لكعبي
تسمع راب أو تسمع شعبي
هجيب المضمون في الجون بلعبي
بس إستنى خليك جنبي
المزيكا من رأسي لكعبي
تسمع راب أو تسمع شعبي
هجيب المضمون في الجون بلعبي
بس إستنى خليك جنبي

[سادات العالمي]
أنا اتعرفت على الرجالة
وقلنا نعمل إشتغاله
لقيت الناس بتقول غريبة
مزيكتكو تكون شغالة
[إم سي أمين]
أخدت القصة من بابها تحدي
دي راب وشعبي مش رقص وهندي
في المجال أنا جنيرال وجندي
[؟] جرب
(تعالى غني)

[سادات العالمي]
بنحكي حكايات أهالينا
كلام طالع من حوارينا
إسمع كلامي عشان تفهم
ركز شوية يا أخينا

[علاء فيفتي]
كلام بجد ويا هزار
نطلع جن نعمل زار
كلام بجد ويا هزار
نطلع جن نعمل زار
وفى أي مكان بنحضر فيه
(الدنيا فيه بتولع نار)

[إم سي أمين]
أيوه مستحيل أقول كفاية
قرار وخدته في يوم قدام مراية
ببص بشوف مين واقف معايا
لقيت سادات بيقولي (إيه الحكاية)
[علاء فيفتي]
إحنا في الرواية من البداية
غنيت كلام طالع من جوايا
إسمع بس خليك معايا
وأفهم مني أصل الحكاية

[أحمد فيلو]
كلامنا دوت من خيالنا
دايماً بنحكي على أحوالنا
أنا وإنت وهو وهي
جوه دنيا مش دايمالنا

[سادات العالمي]
ماشيين ومش شايفين خطاوينا
وتراك يجيبنا يودينا
والدنيا بتمرجح فينا
وإحنا بنبص لبعضينا
بحر المزيكا مين قده
ومين غرقوا ومين عدوه
غطاس وكلامي أنا بخطاف
و أي حد يخاف منه

[إم سي أمين]
لأنه بيكشف المستخبي
هكون واضح صريح وماشي دغري
فتلاقي الحيطة هو اللي ماشي في ضلى
أدور ولف لا دي مش شغلى
عيشت جوة ألف ليلة وليلة
شفت ناس كتير أنواع كتيره
ليله تعدى وليلة تكون طويلة
لحد ما تيجي الليلة الكبيرة
وتاخد الجديد تاخد المفيد
جرب تسمع تفهم وتستفيد
إحنا الأصل والباقي ده تقليد
ده مش تعريض ده مش تهديد
ده تأكيد أفهم يا بليد
كلامي ليك إنت بالتحديد
[أحمد فيلو]
المزيكا من رأسي لكعبي
تسمع راب أو تسمع شعبي
هجيب المضمون في الجون بلعبي
بس إستنى خليك جنبي

- sadat el3almy

كلمات أغنية عشوائية

اهم الاغاني لهذا الاسبوع