ramy essam – fe aahd el zalem كلمات اغاني
في عهد الظالم لازم تعاني
تفقد كرامتك بكل المعاني
وتحرق في دمك سنين مش ثواني
واوعى تصدق كلام الأغاني
بتاع الحضاره وكاني وماني
ده كله هجايص ما يدخل وداني
في عهد الظالم العذاب بيناديك
بتبدأ في يومك حاجات بترازيك
في نومك في قومك تعكنن عليك
تضايقك ولسه العماص في عينيك
مفيش ميه تشطف صابونه في ايديك
وجسمك ملزق وريحتك عديك
وفي عهد الظالم للأسف لازم توافق في عيشتك تتقرف
وكل الاساسي في حياتك ترف
تنسى الكرامه تنسى الشرف
تسرق تنصب تنحرف
دمعك يجري جرحك نزف
وعهد الظالم لازم ينتهي
رايح لشغلك هتحتاج مواصلة
وادي المترو واقف كهربته فاصله
وفي الميكروباص خناقه وحاصله
واتوبيس فرامله عايزلها واصله
وتوك توك ده تايه محتاج لبوصله
وترجع لبيتك ده لو كان فيه بيت
هتوصل هتندم ياريتك ما جيت
مراتك بتصرخ “خلاص استويت”
عيالك بتطلب هات كيك وكيك
تزعق تهاتي يا ناس اتهريت
ولا حد سامعك مهما هاتيت
وفي عهد الظالم للأسف لازم توافق في عيشتك تتقرف
وكل الاساسي في حياتك ترف
تنسى الكرامه تنسى الشرف
تسرق تنصب تنحرف
دمعك يجري جرحك نزف
وعهد الظالم لازم ينتهي
وعهد الظالم لازم ينتهي
وعهد الظالم لازم ينتهي
كلمات أغنية عشوائية
- tayanna › tayanna – гори (mountains) كلمات اغاني
- parlinks › parlinks – slug juice كلمات اغاني
- adefuye › adefuye – love it كلمات اغاني
- juice wrld › juice wrld – eyes up كلمات اغاني
- sauveur eloheem › sauveur eloheem – shottie (freestyle) كلمات اغاني
- snckpck › snckpck – rainy day كلمات اغاني
- ceisxolper › ceisxolper – обед (dinner) كلمات اغاني
- lil stunna x › lil stunna x – hate to love كلمات اغاني
- clipping › clipping. – nothing is safe (remx) كلمات اغاني
- sifl and olly › sifl and olly – rock and roll friends كلمات اغاني