عامر وكاع – hareem حريم – amer wakka كلمات اغاني
[المقطع الأول]
وعيت عالدنية وهي محبوسة بالبيت
وعيت وهي متعلمة انه الطلعة من البيت عيب
حبسوها أهلها من عيون الناس خبوها
خلوها قريبة منهم ما عرفوا انهم ضروها
حطت الدراسة براسها .. حطولها نقاب عراسها
علموها تخاف من كل شب و تكبت احساسها
رجعت فرحانة يوم النتيحة بالعلامة الكاملة
اخدت اكبر معدل نجحت ثانوية عامة
ما قدرت تنام ضلت تحلم بأول يوم جامعة
وحلمها صفى حلم لأنه ابوها كان مانعا
ما عنا بنات تطلع تفلت بالكليّة
يوم بتقليلي مشوار يوم بتقليلي حرية
ردت عليه وصرخت بوجه كسرت السكوت
حقي اتعلم .. حقي اطلع وفوت
حقي حب حقي شوف
حقي اكسر هل القيود
حقي كون حرة بخياراتي
حقي اختار مين أكون
طلع صوتهم للعالي بس مو اعلى من صوت الكف
رج البيت رج .. سكتت دمعت بولا حرف
صرخت فيهم سكرت الباب بكيت عالمخدة
يوميتها ضلت تدعي ربها تخف عليها الشدة
من يوميتها وهي محبوسة مكبوتة جوا الغربة
من يوميتها مات الامل ما صفا منه ولا نتفه
صارت عندها عقدة من كلمة يا عيب الشوف
صارت تهرب من واقعها عن طريق النوم
[اللازمة]
أنتي الأمل .. أنتي الضحكة والسعادة
أنتي الحنان والأنوثة .. أنتي التصميم والإرادة
انتي نصف المجتمع .. نحنا شوب نسوى بلاكي
خليكي قوية والعالم كله بيبقى وراكي
[المقطع الثاني]
سبت , احد , تنين كله بيشبه كله
ما عد تفرق لما تشوف حلمك صعب توصله
قلبت فيها الدنية سودة والغرفة تسمت زنزاة
توحدت لحالها ومخا.. ضل بعالم تاني
ضلت محبوسة مكبوتة .. تعلّمت معنى السكوت
صارت الغرفة مملكة الها ممنوع الدخول
ضلّت لحالها تركت الواقع وعاشت بالأحلام
دخلت جامعة درست نجحت بس كله بالمنام
وبيوم من الأيام هبط قلبها عهالسيرة
جاييها خطابين والعريس من عيلة كبيرة
حسب ونسب وجاه والاهم عملة كتير
طالبين ايد الشب لايد البنت الصغيرة
اجتها الصدمة بصوت أبوها عم بيوافق
اجتها السكتة كلها من احلامها بلحظة فاقت
حست حالها ضعيفة ما حدا عنها عم يدافع
لما بلّشوا بالفاتحة وشافت كيف ايديه رافع
نزلت الدمعة ونزل معها كل امل
ما عاد فيها تعمل شي خلص كلشي نحسم
ماتت احلامها قدام عيونها نقتل كلشي فيها
طوال الأسبوع وامها قاعدة جنبها بدها تراضيها
ضلّت طوال الليل تفكر مافي ولا خيار
يا بترضى بالنصيب يا الحل هو الانتحار
ويوم اتفقت مع أمها تنزل تجيب فستان العرس
شافوها شانقة حالها معلقة عالسقف
[اللازمة]
أنتي الأمل .. أنتي الضحكة والسعادة
أنتي الحنان والأنوثة .. أنتي التصميم والإرادة
انتي نصف المجتمع .. نحنا شوب نسوى بلاكي
خليكي قوية والعالم كله بيبقى وراكي
كلمات أغنية عشوائية
- luis dh › luis dh – cold كلمات اغاني
- playboi carti › playboi carti – iloveuihateu كلمات اغاني
- d ear › d.ear – love me again كلمات اغاني
- нехудожник nexudozhnik › нехудожник. (nexudozhnik.) – конфликт (conflict) كلمات اغاني
- icosahedron › icosahedron – rolling ’round the town كلمات اغاني
- kl z › kl.z – alcatraz كلمات اغاني
- yui ishikawa › yui ishikawa – dear violet كلمات اغاني
- navy blue › navy blue – 224 كلمات اغاني
- braaten victor perry › braaten & victor perry – big jet plane كلمات اغاني
- anna eriksson › anna eriksson – lähden lentoon كلمات اغاني