سمسم شهاب – aleal el bakht | قليل البخت – semsem shehab كلمات اغاني
[اللازمة]
قليل البخت يلاقي الجرح قدامه
ومهما يحايل الدنيا دموعه مصاحبة أيامه
قليل البخت يلاقي الجرح قدامه
ومهما يحايل الدنيا دموعه مصاحبة أيامه
[الدخلة]
وأنا اللي تملي بختي مايل
ودايمًا فوق كتافي شايل
يسيب الحزن كل الناس
ويختار قلبي دون الناس
كإنه عايزني وحدي وبس
طب أعمل إيه أنا فيا
وفي البخت اللي مال بيا
وإمتى زماني
وإمتى زماني
وإمتى زماني بيا يحس
[المقطع الأول]
جرح تملي عايش ويايا
همي كإنه ضلي معايا
ولا ضحكتلي الدنيا دي مرة
على طول حزن ساكن جوايا
نفسي يا دنيا أعمل حاجة
ومافيش في إيديا يا ناس حاجة
بابني الحلم وبجري وراه
وأخدع نفسي بكل سذاجة
كل طريق أمشيه ألاقيه
آخرته سد ومر ماليه
مش عارف إيه اللي عملته
ما تقولي يا زماني في إيه
حاجة غريبة كده بتحصلي
خوف جوايا تملي واصلي
وأما بحاول أطمن نفسي
ملاقيش غير الجرح فاضلي
[اللازمة]
قليل البخت يلاقي الجرح قدامه (قدامه)
ومهما يحايل الدنيا (يحايل الدنيا) دموعه مصاحبة أيامه
[المقطع الثاني]
أيامي بتعدي كده عليا
ودموعي ما سابتش عنيا
وأفضل أقول لزماني إرحمني
خد بالك بقى مني شوية
ليه الفرح مخاصم قلبي
حد يقولي أنا إيه ذنبي
كتر الحزن يا ناس علمني
أبكي وأداري دموعي وأخبي
عمري ما كنت قليل الحيلة
بس أنا بحلم أرتاح ليلة
واقف أهو على حيلي يا دنيا
إضحكي بقى خليها بجميلة
قلبي إتملى على آخره هموم
بقى جواه أحزان بالكوم
عايز أصرخ وأبكي يا عالم
وأقول لا أنا كده مظلوم
[اللازمة]
قليل البخت يلاقي الجرح قدامه (قدامه)
ومهما يحايل الدنيا (يحايل الدنيا) دموعه مصاحبة أيامه
[المقطع الثالث]
رغم جراحي اللي بعيش بيها
برضه بكمل ومقضيها
إصراري خلاني أتحمل
وأخطي الشدة وأعديها
نفسي حبايبي يتباهوا بيا
وأحقق أحلامي بإيديا
وأشوف مرة نجاحي يا دنيا
ده أنا والله صافي النية
ليه الدنيا معاندة معايا
أنا من الظلم تعبت كفاية
عايش جوة عذاب ودموع
إمتى يا بخت تروق ويايا
أنا مش رافض أمر الله
ده أنا بتمنى يا خلق رضاه
لكني بفضفض مع روحي
أحسن ما أكتم فيا الآه
[اللازمة]
قليل البخت يلاقي الجرح قدامه (الجرح قدامه)
ومهما يحايل الدنيا (يحايل الدنيا) دموعه مصاحبة أيامه
كلمات أغنية عشوائية
- naod › naod – facts كلمات اغاني
- dj lord ron and wildelux › dj lord ron and wildelux – negrophobia كلمات اغاني
- moshi › moshi – fejki كلمات اغاني
- sug › sug – stay tuned كلمات اغاني
- johnee › johnée – voar كلمات اغاني
- andy lucas › andy & lucas – mi barrio كلمات اغاني
- нигатив nigativ › нигатив (nigativ) – одиночество (loneliness) كلمات اغاني
- omar sedky › omar sedky – sacrifice كلمات اغاني
- jaytekz › jaytekz – before you’re gone كلمات اغاني
- samurai snipes › samurai snipes – twisted virtues كلمات اغاني