muhammad osama – archaic human كلمات اغاني
ساعات بحب أحس
في نبضي أجس
ساعات في قلبي رعشة
لما جداره يتلمس
إنسان بدائي لأ
برود تلاقي لأ
امبراطورية من المشاعر
إللي في قلب دق
ياما الكلام عاند لساني سابني في الأماني
سابني أعيش خيال من المحال صعب أعيده تاني
أربعين سنة كمان يومين يبقى عيد ميلادي
سنين طويلة مرت من الولادة للسنة دي
لسه عازب لسه نصي ناقص من غير جواز
أخري واحد من الجمهور بتفرج من ورا الإزاز
فلاش باك من زمان أيام الكلية
كانت أجمل سنين حياتي أول حب ليا
عشت قصة تتحكى في مجلدات طويلة
كنا زي عقل واحد قلب واحد كنا روح جميلة
بس الواقع كان له رأي تاني مستخبي لينا
صدمة الحقايق إللي تكسر السفينة
في يوم غريب قابلتها آخر مقابلة
دموع عنيها اتكلمت لكن قوليلي قبلة خير
عريس جديد طلب إيديها جاهز من جيوبه
معاها حق تنبهر دمر أسباب رسوبه
ساعات بحب أحس
في نبضي أجس
ساعات في قلبي رعشة
لما جداره يتلمس
إنسان بدائي لأ
برود تلاقي لأ
امبراطورية من المشاعر
إللي في قلب دق
عريس غني يخطف قلب يكسر قلب تاني
كان ساعتها ده زمانه مستحيل يكون زماني
قالوا زمان كتير مفيش راجل يعيط
لكن بكيت بحرقة في الجروح مش عارف أخيط
اتسحبت زي اللص أبص يومها في الخطوبة
لقيته شاب مبتسم وسيم أنيق مالك زمامه
إيش جاب لجاب أنا مقامي مش من مقامه
حسيت حياتي زي ورقة طارت في الهوا
معادش ليها قيمة طول منا مش في المستوى
استغفرت ربي قلت لا إله إلا الله
مش هي دي اللي تبقى نقطة فاصلة في الحياة
رضيت بقدري و اجتهدت قطعت تذكرة و سافرت
سبت بلدي كلها و رميت مضايا و عافرت
و مر الزمن ربنا كرمني و اغنتين
رجعت بلدي كل ذكرياتي أنا خلاص نسيت
ساعات بحب أحس
في نبضي أجس
ساعات في قلبي رعشة
لما جداره يتلمس
إنسان بدائي لأ
برود تلاقي لأ
امبراطورية من المشاعر
إللي في قلب دق
سنين تمر فجأة خدت بالي من الزمن
كنت ناسي إن عمري بدأ يضيع من غير تمن
كلمتني أمي عن جوازي إديتها الموافقة
و اختارت بنت حلوة هادية ليا متكافئة
إتفاءلت قلت جايز تختلف حياتي تاني
يمكن القدر مخبي راحة بعد سنين بعاني
و يوم ما تمت المقابلة مع أسرتها الكريمة
لقيتها مش سعيدة زي ما تكون عاملة جريمة
دب فيا شك مرتبط بذكرى صعبة
قلت يمكن الأمور بتلعب معايا لعبة
مشيت وراها تاني يوم عشان أجيب قرارها
اكتشفت كافي شوب صغير في آخر مسارها
و كانت المفأجأة شاب في نفس سنها
بنظرة واحدة أنا فهمت قالت يبعد عنها
إنكساره جاب خيال قديم لكن أنا قفشته
ده مشهد أنا عارفه قصدي شفته قصدي عشته
ساعات بحب أحس
في نبضي أجس
ساعات في قلبي رعشة
لما جداره يتلمس
إنسان بدائي لأ
برود تلاقي لأ
امبراطورية من المشاعر
إللي في قلب دق
نفس الموقف تاني و دوري اتغير في الاسكتش
بقيت أنا خطاف قلوب طب أسكت و لا مسكتش
في نفس اليوم قابلتها حكيت لها اني شفتها
لكن قبل ما تتفزع أنا كنت خلاص فهمتها
قلت لها أنا متأذيتش لما شفتك مع حبيبك
بس عاوزك تبعتيهولي المكتب هخليه خطيبك
بكى الولد ما بين ايديا لما جبت له الوظيفة
سألت نفسي هل أنا كده بقت روحي نضيفة
حسيت براحة غريبة لما خلاص جوزتهم
كنت واقف في الفرح بكل حب مبتسم
قررت أنسى بعدها الجواز و الحب و الارتباط
زي ميكون قلبي و عقلي حاصل بينهم اختلاط
بقيت بعدي في الشوارع ماشي أبص ع البشر
بحس كل شخص له حكاية صعب تتنشر
تجيني لحظة فجأة أحس برعب من الحياة
لكن برجع و أقول في سري الحمد لله
ساعات بحب أحس
في نبضي أجس
ساعات في قلبي رعشة
لما جداره يتلمس
إنسان بدائي لأ
برود تلاقي لأ
امبراطورية من المشاعر
إللي في قلب دق
كلمات أغنية عشوائية
- leeland › leeland – thief in the night كلمات اغاني
- lemon jelly › lemon jelly – nice weather for ducks كلمات اغاني
- lemonheads › lemonheads – brass buttons كلمات اغاني
- laura nyro › laura nyro – it’s gonna take a miracle كلمات اغاني
- lefty frizzel › lefty frizzel – woman let me sing you a song كلمات اغاني
- leigh nash › leigh nash – angel tonight كلمات اغاني
- laura veirs › laura veirs – nightingale كلمات اغاني
- len › len – beautiful day كلمات اغاني
- lee roy parnell › lee roy parnell – if the house is rockin’ كلمات اغاني
- lou rawls › lou rawls – on broadway كلمات اغاني