mtm (rap) – leh teshki |ليه تشكي كلمات اغاني
[المقطع الأول: تاكي]
ابقى كداب لو قلت في مرة اني نسيت ايام زمان
مهما كان مش هنسى صحابي القدام
الايام بتعدي و الحياة بتستمر
دلوقتي بس عرفت ان انا كبرت
ابتديت دلوقتي افهم معنى كلمة المصالح
ناس تبقى اصحابك بس الكذب في عينهم واضح
واضح ايه جواهم و اللي كانوا فاكرينوا سر
حاولت كتير معاهم و استحملت
ممكن اكون صغرت في عينهم بس خلاص ما بقاش يهم
مش هسأل ليه بيقولوا عليا كلام زي السم
مش مهم مين يتكلم مش مهم مين ينم
المهم ان المهمة بتاعتي لازم تتم
سيبكوا من الكلام بقى سيبكوا من الفضايح
سيبكوا من الكذب انتوا بتلعبوا في الوقت الضايع
على العموم كله رايح مفيش فايدة من النصايح
[المقطع الثاني: مايكي]
ليا واحد صاحبي قريب جدع كويس و كمان طيب
و نتيجته في الكلية زي ما هي دايما جيد
بيحب واحدة زميلته يعرفها من يوم ما قابلته
هتقولوا لي ايه مشكلته مشكلته يا جماعه مع عيلته
انا مش فاهم ليه مصرين انه يتجوز بنت خاله
قال ايه كانوا متفقين طب بس وهو ماله
دلوقتي قاعد حزين مابيتكلمش و قاعد في حاله
بقى عامل زي المجانين هيرحب بالموت لو جالوا
[المقطع الثالث: محمود]
شديت بسبوري و خدت الفيزا
اهوه جه دوري اروح امريكا
ارض الاحلام بلد الافلام و متنساش المزيكا
مكنتش عارف رايح فين او هجيب فلوس منين
كل اللي انا كنت عايزه اني اتصرف في قرشين
كنت حاطط في دماغي اني اعيش يومين
كنت فاكر اني هعمل من الالف الفين
و دوخت على شغل و رحت و جيت كتير
و دقت هناك المر و شفت اني اسير
لناس ملهاش كبير لناس ملهاش ضمير
ناس ما بتتمناش لحد غيرها خير
و كانت ضربة قاضية يوم مرحلوني
رجعت و ايدي فاضية ده غير كمان ديوني
جنوني و الفلوس عموني صدقوني حقكوا ادهوني
كلمات أغنية عشوائية
- mishano › mishano – промо (promo) كلمات اغاني
- 032rio › 032rio – let you go كلمات اغاني
- diego money › diego money – understand me كلمات اغاني
- matteo marchese › matteo marchese – viola كلمات اغاني
- lakshya band › lakshya band – satha deyew كلمات اغاني
- maxiim › maxiim – take what you need كلمات اغاني
- blackhotline › blackhotline – dream girl كلمات اغاني
- empty yard experiment › empty yard experiment – entropy كلمات اغاني
- flaco blanco › flaco blanco – thank u كلمات اغاني
- san › san – i know كلمات اغاني