moudy alarbe مودي العربي – koul shi intaha / كل شي انتهى كلمات اغاني
“كلمات مودي العربي “حرقة قلب / كل شي انتهى[المقطع]
كانت قصة غريبة
قصة بلشت بطريقة احلى من كل الطرق
احلى من كل القصص
احلى من النجوم احلى من القمر
كانت متل الغيوم
حسيت حالي انسان
انسان عم يولد بهاد اليوم
انسان عم يخلق قلبو بهاد اليوم
اول مرة بحب.. تؤ.. حبيت قبلها كتير
بس ماكانو متلها
كانت غيرهن كلهن اصلا ماكانت منهن
شفت فيها الدنية
شفت فيها الامل
شفت فيها البنت يلي بتفهمني
البنت يلي وقت بدي عصب عليها بتفهمني
وقت بدي تعصب عليي بتقتلني
البنت يلي وقت قلها مدايق تدايق اكتر مني ع همي
كانت بتشبه الشام .. لاء .. احلى من الشام
كانت السحر ..عشت معها احلى شهور بعمري
قلتلها احلى كلام ممكن يطلع مني
كانت بنتي .. واختي وامي ومرتي وعمري
شفت فيها الايام الحلوة
وبوقت كون كرهان كل شي .. انا خمنت
اصلا ماكنت اكره شي لانها كانت كل شي
حسيتها قطة مغمضة
انا يلي عم قلها هي هيك وهادا شو وهنيك هيك
فكرت حالي كل شيي
فكرت حالي كل شي بالنسبة الها
متل ماهي كل شي بالنسبة الي
بس انا طلعت ولا شي
طلعت رسمة لشخص ما رسم بخياله
طلعت رسمة مو_حلوة .. رسمة بشعة
طلعت ناقص طلعت ولد بلا مسؤولية
عاجز طفل وسخ غبي
صح .. كنت غبي لاني قدستها وعبدتها وعشقتها
ماكنت متلها.. كنت حبها كتييير وكانت تحبني شوي
كنت اعطيها كتير وكانت تعطيني شوي .. انوهمت فيها
انوهمت بشي لدرجة اني ما اقدر فكر اني خونها
مو لاني بخاف منها.. او بخاف تتركني
لاني كنت كلب وفي
كلب حب صاحبو يلي مابحبو
ضليت حبها وهي تجرحني وتجرحني
واصبر تدايقني واصبر تقتلني واصبر تدبحني واصبر
وكل مرة قول لك لييش؟؟
مشان شو؟؟
لاني بحبها؟؟
لك يلعن الحب اذا هيك
اصلا..بحبها
حاولت ما موت قصتنا
حاولت حافظ على عشرتنا
شفت فيها ام ولادي خليت الدنية كلها تعرف انها حبيبتي
خليت العالم يعرف اني بحب
وهي ماخلت حدا يعرف انها بتحب
ليش؟؟ سؤال سألتو كتييير
بس ماكان الو الا جواب
مو انا فارس احلامها
مو انا يلي ببالها
حاطة احتمال انو ممكن نترك
ضلت تجرحني وتدايقني لحتى كرهتا
حسيتها بدها ياها تطلع مني
بدا ياني انا يلي اترك
انا يلي بعد حتى مايكون عليها ذنب
لانها بتعرف اديش انجرحت
اخر فترة كانت متل يلي عم تكذب عليي وعلى حالها
تقلي .. استنا.. استنا.. يمكن ارجع
ويمكن ويمكن ويمكن.. وصبور.. ويمكن
وهي عم تكذب على حالها
هي ماعادت حبتني
هي ماعادت انجذبتلي
صرت أسئل يا ترى خانتني
بتفكيرها..؟
بكلامها..؟
ياترى كرهتني؟؟
ياترى خلص؟؟..
خلص؟؟
فعلا خلص؟؟؟
#كل شي مات؟؟
يلي مات مابيعيش
ويلي انكسر ماعاد يتصلح
فكرت اني رح موت اذا راحت
بس فكرت.. لقيت اني كنت عايش من قبلها ميت
ورح عيش بعدها ميت
المهم فيني عيش
المهم فيني اتذكرها
بس كيف هي الذكرى؟؟
كيف حتكون؟؟
اكيد ماحتكون حلوة لاني كرهتا لانها طلعت من قلبي
لاني كل ما عم اتخيلها واتذكرها
عم اتذكر البنت يلي جرحتني
البنت يلي كرهتني.. البنت يلي دايقتني
البنت يلي علقتني.. لتبعد عني
البنت يلي كنت.. كنت احبها
يمكن كنت ويمكن لسا
ويمكن ويمكن بحبها.. رح انساها
رح كفي بدونها.. رح عيش بدونها
لان مشاعرها ماتت
رح حاول لملم شوية الكرامة يلي صفيو
وامشي وامشي وامشي ..لحتى صير بعيييد
رغم اني بعرف قد مابعدت رح ابقى اتذكرها
لو ل ذكرى حلوة او بشعة
انا كنت بحبها
وكنت قلها بحبك
كلمات أغنية عشوائية
- живущие в цирке zhivushchiye v tsirke › живущие в цирке (zhivushchiye v tsirke) – ельцин (yeltsin) كلمات اغاني
- g3tharuler › g3tharuler – monster كلمات اغاني
- garbochock › garbochock – invasion كلمات اغاني
- haztik › haztik – wandering كلمات اغاني
- ornella vanoni › ornella vanoni – ancora كلمات اغاني
- ricky jamaraz › ricky jamaraz – cut self not كلمات اغاني
- blanket › blanket – climbing up the walls كلمات اغاني
- lil vrah levin › lil vrah, levin – hayal kirikliği كلمات اغاني
- ajaa › ajaa – hany كلمات اغاني
- michael v › michael v – bumabalik na sa ‘kin ngayon كلمات اغاني