mc amin – mabrouk ya sisi كلمات اغاني
[المقطع الأول]
على فكرة مش هاسيب حاجة تتقال لبكرة
هاقول على المصري أصلي هي عافية ماشية قدرة
و بكرة يا عم الثورة تقوم وتبقى بدون نجوم
و ترجع تاني تستخبى ومش هتشوف عنيك النوم
حاولت اكتر من مرة اسكت من جوا زي برة
واجرب اكون متفائل جوا عيشة كئيبة مرة
فيها الجري نص الجدعنة والإنكار نص الأخونة
يا نوع بشرية وسخة ريحتها جايفة منتنة
ناس بتاكل الفريسة ويا الديب وتعيط مع الراعي
يعني تلعب على الوشين مش عيب إفهمها خليك واعي
ناس بتقتل القتيل وتمشي في الجنازة عادي
يعني لما تولع الفتيل إستحمل المرة دي
المبدأ الوحيد الثابت هو الثورة
خليك واضح مع نفسك ملهاش لازمة المناورة
نظرية المؤامرة مش هتجيب مطالب ثورة
والمغامرة فى حد ذاتها دلوقتي زي المقامرة
[اللازمة]
تسلم الأيادي اللي ترجعلي حق إخواتي
بشرة خير الثورة حيه لسه جوا بلادي
تحيا مصر اللي ناس كتير باعوها عادي
واحد واحد مننا على وضعنا مش راضي
[المقطع الثاني]
هاتقولي منين أديك هاقولك خد هديك اللي هيرضيك
ما تخفش مش هضحك عليك بصراحة هو ده رأيى فيك
واكل حلاوة بعقل المصريين مالكش فيها شريك
دعم كامل من فلول مبارك متوجه عليك
كان ممكن بالمنصب تكتفي بدل ماتسيبوا وتختفي
أسمك لو كان منور فا بأيد الشعب هيطفي
رئيس بالصدفة مش شطارة ولو مش صدفة أديني أمارة
وانت عارف لو ما وقفتش ويا الشعب دي بخسارة
بلاش تجارة بالوطنية زي نظام تجار الدين
انا دلوقتي بقيت مش فاهم ايه الفرق بين الأتنين
ويا ريت حد يرد عليا يقولي مبارك صوته لمين
ولا نسينا خلاص ثورتنا بتاعت يوم خمسة وعشرين
يعني ايه قانون تظاهر بعد ثورة ليها موجه
خلي بالك ان الموجة الثالثة بجد هتبقى هوجه
واللي هيحصل لازم يحصل بالأيام أوام هيبان
إن الثورة لازم توصل من الميدان للبرلمان
[اللازمة]
تسلم الأيادي اللي ترجعلي حق إخواتي
بشرة خير الثورة حيه لسه جوا بلادي
تحيا مصر اللي ناس كتير باعوها عادي
واحد واحد مننا على وضعنا مش راضي
كلمات أغنية عشوائية
- boef › boef – natte sokken كلمات اغاني
- oni4anz › oni4anz – новый скин (new skin) كلمات اغاني
- hector berlioz › hector berlioz – l’origine de la harpe كلمات اغاني
- john pape › john pape – let my life overflow كلمات اغاني
- me › &me – germany state of mind كلمات اغاني
- alpac green › alpac green – nochmal كلمات اغاني
- super quality boy › super quality boy – self reflection كلمات اغاني
- louis pteraz › løuis & pteraz – red lights كلمات اغاني
- ohdamnvader poseidon my name › ohdamnvader & poseidon my name – fyt كلمات اغاني
- cornflex › cornflex – chrome karosserie كلمات اغاني