marwan moussa – shahr etnen | شهر إتنين كلمات اغاني
[اللازمة]
نفسي بس في حاجة جديدة
تصحّيني من النوم بضحكة
عقلي ضايع في غابة بعيدة
ما تطلعي معايا رحلة
كل الأفلام اللي في السينما
والمعاني اللي في المزيكا
بيقولوا لي فيه حاجة ناقصة
بيقولوا لي لاقي حبيبك
كان المفروض تكوني إنتي
والمفروض الصور دي إحنا
لما بتيجي قدامي سيرتك
من جوايا في حاجة بتحزن
تاني بافِرّ في سيناريوهات
وانا قاعد لوحدي في أوضة
عمري ما زعلت على اللي فات
عمر نيتي ما كانت سودة
[المقطع]
عيني مزغللة ومش شايف الساعة كام
خايف أطَلّع الشوكة من الجرح بتاع زمان
لاست أوردر، مخي هيقفلوه
صوتي رايح مني وهيمسكوه
تزعل وتخبّي في وشها في تعبيرات
رشق كان السهم بس معاده فات
بمشي في الضلمة ومش عايز اتوه
ذكرياتنا في شبكة عنكبوت
وسط الزحمة أشوف عينك وأعرف سرحانة فين
ماحدش كان فاهم دماغي قدِك
لو اللي بينا كان عادي، ما كان زماني نسيت
ماحدش إداني الإحساس دا قبلك
رسايل قديمة منورة ليلتي
أزود عليهم ولا بلاش
مافيش إجابة على أسئلتي
مستني بكرا، لسه مجاش
نفسي بس في حاجة جديدة
يمكن الاقي في السوق الحرة
عادي اني لسه مش ناسيها
المشكلة اني فاكر الحلوة مش المرة
واضح إن أنا بس اللي مطبق
باين إرهاق وحزن في النبرة
صور قديمة عملالي صدمة
شيطان على كتفي الشمال مستغرب
عودوني، عودوني
آه لو الكلام يقضي
طالع سليم لحُسن حظي
بس في حاجة تشبه المغص في بطني
مسجلها على الموبايل نون
والصورة سرحت فيها وعملت زوم
معاها بغرق مش بعوم
شوية شهور حسيتهم قرون
نفسي بس في حاجة جديدة
باصص على السما من النجيلة
كانت في عمري ما هسيبك
بقت في ليه مش بتحب غير المزيكا؟
صور قديمة
زي لُوَح بيكاسو
فيه ناس جواية بيعزوا
نفسية طالعة نازلة مع الاسهم
شهر إتنين اتقابلنا
حكاية إنتهت بكلمة
صورتها ورا جفني بتلزق
ما الأوضة الغامقة لسه صوت كلامها بينده
هناك في لوح مرمية
هزة الموبايل على الفجرية
رقم غريب، ما طلعتش هي
نفسي أسأل لو في حد جه بعديا
[اللازمة]
نفسي برضه في حاجة جديدة
تصحيني من النوم بضحكة
عقلي ضايع في غابة بعيدة
ما تطلعي معايا رحلة
كل الأفلام اللي في السينما
والمعاني اللي في المزيكا
بيقولوا لي فيه حاجة ناقصة
بيقولوا لي لاقي حبيبك
كان المفروض تكوني إنتي
والمفروض الصور دي إحنا
لما بتيجي قدامي سيرتك
من جوايا في حاجة بتحزن
تاني بافِرّ في سيناريوهات
وأنا قاعد لوحدي في أوضة
عمري ما زعلت على اللي فات
عمر نيتي ما كانت سودة
كلمات أغنية عشوائية
- pigeon detectives › pigeon detectives – ready for the floor كلمات اغاني
- piers faccini › piers faccini – who loves the shade كلمات اغاني
- pilate › pilate – don’t stare كلمات اغاني
- piet veerman › piet veerman – brown eyes كلمات اغاني
- pierces › pierces – be alright كلمات اغاني
- pig destroyer › pig destroyer – genital grinder – regurgitation of giblets كلمات اغاني
- pietasters › pietasters – crime كلمات اغاني
- pilate › pilate – don’t waste your breath كلمات اغاني
- pig destroyer › pig destroyer – restraining order blues كلمات اغاني
- pietasters › pietasters – drunken master كلمات اغاني