a b c d e f g h i j k l m n o p q r s t u v w x y z 0 1 2 3 4 5 6 7 8 9 #

marwan moussa – masr el gedida | مصر الجديدة كلمات اغاني

[مقدمة]
بحر عالي موجه شديد
شايف الشط من بعيد
مية مالحة في صدري
الفرصة بتهرب مني

[الجزء الأول]

[المقطع الأول]
برضوا مافيش حد يستاهل
4 ميسدات صحيت عليهم ولسه فاكر
لما الشبكة في موبايلي كانت م العناكب
مش باغرق انا باعوم

لو وقعت بارجع اقوم
مش هسكت انا هاقول
لا بالف ولا بادور

في عيد ميلادي جالي هدية
()بس اللي جابها مجهول
كلميني بكرا لو عايزة
بس احتمال أكون مشغول

فين فين فين؟

في الشوارع المخيفة
فلتنا م التفتيش
عشان الشنطة كانت خفيفة
ويييييي…

[اللازمة]
ماشي بالليل في مصر الجديدة
مش ساكن في مصر الجديدة
نتقابل في مصر الجديدة
شكلي هبات في مصر الجديدة
مصر الجديدة
مش ساكن في مصر الجديدة
نتقابل في مصر الجديدة
شكلي هبات في مصر الجديدة

[الجزء الثاني]

[المقطع الثاني]
نقطنا بسكاتك
الثانية بتفوت وبتروح في الزبالة
ف انا هاسيبها لك
الشُهرة قلابة
والضحكة كذابة
انا باهرب واتدارى

من غير ما أبقى خايف
السرعة بتقل طول ما انا مش سايق
مش حِمل كماين
جيت م المستقبل وفي إيدي جوايز
وجايز ما ارجعش لو ما فضلتش فايق

انا مصحصح
الحمل اللي انت شايله دا لمصلحتك
على راحتك
ليه فجأة كل حد بقى صاحبك

مفيش حد يستاهل الاتنين ميسد كول
اسرار في موبايل اتفتح من غير بين كود

العيب اللي فيّا
مش باجيب غير مية المية

ورجعنا نفس الشارع
كنا فيه من نص ساعة
لسه بيننا نص حالة
مستني الإعادة

العيب اللي فيّا
مش بغيب م المسؤلية

بالاقي نفسي في انفراد
ثواني قبل ما بتتشاط
قوام بيتفك الرباط
واكون ع الأرض

لسه فاكرين ولا نسيتوا؟
ما هو دا العيب اللي فيكوا

[الجزء الثالث]

[hook]
بحر عالي موجه شديد
شايف الشط من بعيد
مية مالحة في صدري
الفرصة …

[المقطع الثالث]
معلش ما ردتش
كنت بادي درس الفيزيا
ساوند كلاود ستيشن روبابيكيا
جايزة أفضل رابر في افريقيا
مش هتفيدني في بيتس ولا فيتشر

انا متكااااامل… بوجبة
ثانية… في الدفاتر اشوف لك
اوبا!
طلعت جاية معاكو صدفة

سيني سيني سيني سينيمائي… سينيمائي
محتاج اركب عدساتي… على الهادي
دماغي نضيفة في الاغاني… دا اساسييي
حراق فعلا دا مش كنتاكي … دا وسابي
لسه بتقول لي كاني ماني… وبتهاتي
هبيتك في دواساتي… دي اخلاقي
شايفكوا دايما على شمالي… عبد الشافي
حاسّ اني سايق كواساكي …كواساكي
شوف البلاوي جوة شاتي… دي حياتي
الأغنية دي لولادي… وأجدادي
رجعتي تتدلعي تاني… بتتشاقي
خليكي عندك انا هاجي… في ثواني

لو مش عارف تسمع الاغنية جرب تشمها
لو مش عارف تبدع جرب تشفها
ايوة رجعنا نتكلم تاني بس دا من الزهق
بنت تافهة بس بتجنني لما بتهزها

اتنين في الدرج وواحدة على اللاب
انا مش انسان انا حيوان
دوّب المجال في طبق الشوفان
واخد المدام وطالع اليونان

…صعبة
ماشي مع واحدة شاقطها من المعرض
ثانية ثواني مالك مش على بعضك؟
فين المنافسة والله ماعرف

اوكيه! دي لقطة
سوري ماينفعش تشوف المطبخ
اوكيه! دا مقطف
هانتكلم بعد ما تتسطب

معايا العدة
معايا العدة
مش بنعدك
مش بالكترة
ولا بالشدة
هات الفكرة
وانا هدرسها

مش هتاكلوا معايا عيش
بتقاوحوا معايا ليه
بلسع زي الزيت
نازل زي السيف

فاكر لما زهقت وقمت جايب من الاخر
لما سخنت إتمدت إيدي ع المشاكل
عايزك تبعتي لي الصور بالفلاتر
واللوكيشن عشان لو عُزنا نتقابل

[اللازمة]
gps
فكريني نسيت الاسم
بديكي الاذن
لما توصلي سيبيلي ميزد
gps
فكريني نسيت الاسم
بديكي الاذن
لما توصلي سيبيلي ميزد

[الخاتمة]
آه بانوّع بس عمري ما باتغير
رشيت المية كنت عامل فاير

- marwan moussa

كلمات أغنية عشوائية

اهم الاغاني لهذا الاسبوع