lotfi double kanon – politique des bandits كلمات اغاني
[اللازمة]
des bandits, des bandits
c’est la politique des bandits
c’est la po-po-po-politique
بالبيا راي تبلومبي
يا المهبول ، يا المغبون ، المسؤول راو مجهول
قلي كيفاه تمشي البلاد كي يعود نظامها مشلول ؟
[لازمة تمهيدية]
la politique, l’economie
تهدر عليهم تولي بيبليك اينمي
يا بن بولعيد راني جاي لقبرك نبكي
الحزب تاعك راو حاكمو واحد درابكي
[المقطع الأول]
السيستام راو حركي ، من الخارج كل محركي
و الشعب قلبو محروق ولادو في البحر ام حارقين
لي حاكمين كي الفاجرة ، مالبكري الخطة اي واجدة
من نهار ديغول خلاها بين يدين الكلان تاع وجدة
الحكومة رجالها ساجدة ، غير تلحس في الصباط
و السعيد راو شابع فيهم كي الحريم تاع السلطان
يا ستار شوف واش صار وزراء راضيين بالعار
أنا ظهرلي ام قلبوهم كيما هواري منار
آي عباد أوبريسي ، نظام فاسد مبريزي
كي السيسي راي تدريسي الناس بالحبس و بالبوليسي
طلعت دي جون ستريسي ، بالزطلة غير تدوزي
تَاقْرِيسي تْكَاسي تْبَاسي ، الله يرحمك يا إيبوسي
[اللازمة]
[لازمة تمهيدية 2]
من بكري نشوف نفس الصورة و نفس العبارات
قبايلي في الأرض و فوقو ثلاثة بالماتراك
أعطيه بالراس تيري بالرصاص الحي
و الا مات كيما معطوب قولو رام قتلوه صحاب اللحي
[المقطع الثاني]
يا ناس غرداية ، مسؤولكم مش لاتيلكم
أرواحكم ما تهمّوش قدام السكور تاع لاتليتيكو
واش بيكم ؟ القضية لا عرقية لا دينية
سياسة تقسّم البلاد باش تبقى ديما بين يديا
و لهيه ولاد الأبرار ، من ورقلة حتى لأدرار
قلّي واين هو حقهم من البترول لي راو في الآبار؟
لي يعبٍّر ، لي يهدر ، يطلب حقوق مشرفة
وزير يقول عليهم هاذوما شباب مشردة
يا واحد الخاين ، مع خاوتك راك متخاذل
خليهم يخدمو بيك عاللخر ترخس كي بلخادم
يالخاوة ، خربوا غدروا خرجونا الكل مهابل
حتى الشرطة هملوهم من نهار جاهم واحد هامل
[اللازمة]
كلمات أغنية عشوائية
- עברי לידר › עברי לידר – geshem acharon – גשם אחרון – ivri lider كلمات اغاني
- natalino › natalino – los peces en el río كلمات اغاني
- leandro martinez › leandro martínez – el deseo de amar كلمات اغاني
- enkode › enkode – wherever كلمات اغاني
- amoral robbery › amoral robbery – made of gold كلمات اغاني
- koschey › koschey – ready, steady كلمات اغاني
- sahkil valysse › sähkil valysse – el asno y un año de maromas كلمات اغاني
- king key › king key – warning كلمات اغاني
- aron world › aron world – aron viert nu kerst met jou! – jingle bells parodie كلمات اغاني
- goa › goa – romeo y julieta 2020 bassbossted4noreason easter egg كلمات اغاني