a b c d e f g h i j k l m n o p q r s t u v w x y z 0 1 2 3 4 5 6 7 8 9 #

lotfi double kanon – bouraka / بوراكة كلمات اغاني

[المقطع الأول]
أنا في رمضان عمبالي راح نخربطها
درك نخلطها sans pitié نحكم الماكلة
لكان حاب تضعاف واش دخّلني فيك
أنا المهم لازمتلي جاري معبّي بالفريك
de préférence نعطيه عصرة قارص و زيد
la cadence قرن فلفل حار كيما الدربوكة يحكم
ندور عليه شوية دبشة تداوي حالي
طرف لحم بقري و دجاج عرب يا حناني
و نحط قدامي كيلو زلابية عزيزة
و معاها قلب اللوز زيد شوية تاع الهريسة
و في نص الكورتاج طلّع شكون هي لعروسة؟
بوراكة بالعظام لابسة قندورة مطروزة
تمشي و تميل تمشي و تتبختر
تجري في التيران كيما كان بلومي لخضر
يديك الفوق à droite, à gauche
الناس لي صايمين الكل تقول

[اللازمة]
اليوم بوراكة بوراكة معاها جاري سخون
اليوم بوراكة بوراكة و ظلمة بالزيتون

[المقطع الثاني]
deuxième plat و درك هنا نحكيلك عالـ
نقولك الحق سي بون غلبني رمضان هذا
خطاك أني جعت كي يذّن عمبالي
نطلع فوق المايدة و نشطح زن دالي دالي
نخزر بنص عين من بعيد نبدا نقابر
صحن تاع الظلمة معبّي لحم كلّو كعابر
كي يتحط قدامي نعطيه بالياطاش
2 étages ناطاكيه بكيرة خسيس و خبزة كوشة
لكان غلبني نجبد عليه فرشيطة و موس
نرسلو بدماغ و نقلب زيت عرب و نص
و نغرقو في المرقة ، بالمغرف شي ما يبقى
نروح للسلطة نعطيها طول ورقة بورقة
normal à l’aise هاذيكا حتشي نعقبها
2 couches de mayonnaise و vinaigrette شوية
يبقى الديسير كيما يشوفني يدوخ
ما عليش الناس لي صايمة الكل تقول

[اللازمة]
اليوم بوراكة بوراكة معاها جاري سخون
اليوم بوراكة بوراكة و ظلمة بالزيتون

[المقطع الثالث : بيكاتشو]
حتى أنا كيما لطفي درك نغنّي الراب
بشوية معدنوس لي نشريها من الحطاب
في النص تاع رمضان كيما تحكمني الدوخة
نذبح سردوك و نطيّب بيه قصعة شخشوخة
تاي بالنعناع و طيب بالكرمية
ملح و كمون و بطاطا برانية
كي نبدا نغلب لازمتني شوية قوة
كيلو عين بقرة ندير بيها مرقة حلوة
و لكان ما لقيتش في الدار
لا زمتني في العشا مقرونة
الناس لي صايمين معايا أنا تقول
…اليوم اليوم اليوم

[اللازمة]
اليوم بوراكة بوراكة معاها جاري سخون
اليوم بوراكة بوراكة و ظلمة بالزيتون

- lotfi double kanon

كلمات أغنية عشوائية

اهم الاغاني لهذا الاسبوع