l’oreille d’or – 7kayat fi bladi كلمات اغاني
[المقطع الأول]
6.30 خارج من الدار طالع في الطرامواي
ساكودو فوق ظهري رايح نقرى كيما قاع ليّام
ريّحت قدّام مْرا في لا سينكونتان
والله من عينيها تبان بلّي كارهة شابعة حزان
قاتلي علاش الوقت تبدّل و القلوب كحالو؟
ما بقاتش الرحمة علاش الرجال في زمانا حالو؟
عينيها تعمرو دموع ، قلت واش بيها؟
شكون لي عندو قلب حجر؟ شكون لي يقدر يبكيها؟
قاتلي ضاقت الدنيا بيّا و قلبي من العباد اتّكوى
مريضة في حالة مالقيتش لي يشريلي الدوا
البارح بتّ بالجوع باش نشري لقمة ما عنديش
ما نيش طلاّبة مي لازم ناكل باش نعيش
الدنيا دارت بيّا قريب ما درت ديبريسيون
راك تشوف حالتي بورتون عندي باك أفيك مونسيون
تغيضني عمري كي نشوف الكره في عينين الناس
عايشة خايفة انّوض و نرقد بالستراس
ناس مامش مسلمين و لقيت في قلوبهم الرحمة
أو لي زعمة مسلمين ما يفرحوكش مام با بكلمة
آه رانا بعاد بزّاف على الدين
يا درا وقتاش نتسقمو و بينانتا نولو متوحدين؟
قاتلي ما تلومنيش راني نحكي نفرغ في قلبي
راك في بلاصت وليدي أنا ما رزقنيش ربّي
بكري كان الخير ، اليوم كل واحد لاتي بحالو
فريمون تقست كي شفت الدموع من عينيها سالوا
[المقطع الثاني]
هبطت مشوكي و الدمعة من قلبي تسيل
قلت الحكاية هاذي لازم نحكيها للورقة في الليل
طلعت فالكوس زاد قابلني جون بيستوار
بوجه حزين شاف معايا و قال :
خويا أنا من لوجونر لي حياتو قاع في البروميير طابل
كنت حاب نقرا ندير أفونير بالاك نولّي سطابل
سهرت و قريت تعبت و ساكريفيت
في لا فان لقيت روحي مرمي برّا مقابلني غير الحيط
الـ سي.في تاعي مشارجي بصّح الخدمة ربّي يجيب
خاطش ضعيف خاطش زوالي ما عندي والو فالجيب
باش تخدم بقدرك لازم تكون وليد فلان و فلان
و لي كيما حالتي تخلاص عليه بطابلة تاع دخّان
” aller sans retour” سينورمال نخمّم نحرق
في عمري لي ديبلوم تاوعي فالدار آم ديكور 32 ans
بارتو الباب لي نقصدو في وجهي يتغلق
بلا كتف بلا معرفة في البلاد حاجة ما تصدق
سبابنا المسؤولين كي يطلعوا فينا ما يشوفوش
عافسين علينا و يقلك لي جون ما يخدموش
عايش بالنافيقاج نهار نخدم ، 10 ماكاش
mes amis proches لاروتين و الديقوطاج ولاّو هوما
حاب نوض الصباح نلقى حياتي صافية
نلقى السياسة عادلة تدير قيمة للناس القارية
ياو ماني طالب والو حاب نعيش و نبني لافونير
إلا عندك حلول خويا قلّي واش ندير؟
كلمات أغنية عشوائية
- max george › max george – that’s not me كلمات اغاني
- promonant › promonant – count up كلمات اغاني
- dabs › dabs – car t’es bonne كلمات اغاني
- trinni › trinni – real one كلمات اغاني
- bobby kim › bobby kim – el camino كلمات اغاني
- alice › alice – una casa solo mia كلمات اغاني
- absurd › absurd – ein jäger aus wallhall كلمات اغاني
- ninelivez › ninelivez – wanna see كلمات اغاني
- p o t › p.o.t – lonely كلمات اغاني
- tsepo tshola › tsepo tshola – shine your light كلمات اغاني