karim moka – wala lela eid كلمات اغاني
ولا ليله عيد
خط النور ده بعيد
سابوا تجاعيد
و ما بالأيد
متلهيش رغم الدنيا سحاره
إبن ناس بس طالع من حاره
قد ما أكسب بستقبل خساره
بتزنق و تكسر مبتديش إشاره
بتدغدغ التل لنشاره
بتبل فاليابسه و بتغرق بحاره
ترميلهم شبك و تراضينى بصناره
لو عيشت زيى هتفهم معنى الإثاره
ريلى , يا زميل زميلى زميلى جرى
بتحشش ميغركش إن إسمها بيرى
حبه الفلوس ف بتربى فى الجيلى
حتى النسوان إتغيرت يا بيلى
ده إندهاش
كل الطيب مات و الناقص عاش
كل النسخ بان و الأصل باش
مستناش النور هولع فلاش
و خلصانه سهله
سيبتينى عطشان ما كنتيلى نه__
فكرى خاننى إنك هتبقى لوهله
دماغك نضيفه بس بحجم النمله
أبين فى طيبه و أدارى إنى حمله
بقعد فى أوضتى بفكر و بملى
ف لو سألنا , ليه القصايد دى مش كامله
ليه بنتكابر فى المعامله
فى ليلى أنا بصطاد المكره
شريط حياتى سف عقد البكره
عالم مأرحه فجره
كل ورده شايفه نفسها شجره
ما جرى , دمدم أخر طيبه فيا
زعلت بحاله هيستيريا
الدنيا غبيه
و كل ما يُضحك فى شر البليه
ناس يهود و متداريه
فى كل ركن أشوف العجب
أنا مالى بيها كيف أشوفها فيا
أفتحلها منجم و أسيح الدهب
ما تطُلى بالطله الباهيه
الليله دى طالبه مياعه و بقله الأدب
مطلبتش حاجه و كانت ليا
بس أنا راضى بنصيبى و بإللى إتكتب
كل يوم أقول أبطل , و كل يوم ميجيش
كل ليلتين نكتر , مخدرات و حشيش
ليه نارها مبتقدرش المايه و مهما أطفى مبتطفيش
بقابل فى بلاد الله دى خلق ياما قش و خنتريش
أنا مبجريش ده قطر الدنيا فلق
حزين و بضحك ده أكتر شئ يقلق
ليه عقلى غربى و قلبى إللى بيشرق
تشوفنى أصحاب زمان و مش بتصدق
إن ده طبعى , بس أنا ناوى الخلاص
وسط الغاره إوعاك تخاف الرصاص
شوفت أخره إللى يساوى كعب برأس
لو كاملين قصادك بالنسبالى إنصاص
و الشارع مجبش غير رجاله و البدل دى جابت ملاعين مش جدعه
قالوا ملايين ما سابوها غير والعه , شافونى عقرب لدعونى 100 لادعه
لا دى بتسحر و قالولى كانت باتعه , أنا مش هحكى لا تشقى فى حكايتها
قالوا مزيكا ف توهت ما بين ألاتها , تجيلهم حليانه تجيلى باهته
كنت بطولى أنا بحارب , أما هما كانوا قورطه
الدنيا بتهلكنى فى تجارب , لا حيلتى مال ولا أنا سُلطه
زى إللى أخترع أله زمن , بس نسى و جلا يُربط البونطه
زى السكر كله حبنى , خونه غفلونى و كلوا التورته
دماغى بتلف زى إنذار الشرطه
دماغى بتلف زى إنذار الشرطه
دماغى بتلف زى إنذار الشرطه
كلمات أغنية عشوائية
- damu ridas bloods › damu ridas (bloods) – give a mad ass fuck كلمات اغاني
- has lo castle › has-lo & castle – go to work كلمات اغاني
- ayo mikeey › ayo mikeey – go كلمات اغاني
- doctor deseo › doctor deseo – ¡vale ya! كلمات اغاني
- mozart la para › mozart la para – copia a color كلمات اغاني
- frank zappa › frank zappa – 200 motels finale [ycdtosa 6] كلمات اغاني
- mirza selimovic › mirza selimović – digni ruke كلمات اغاني
- rkz › rkz – all through the night كلمات اغاني
- evelict › evelict – tomorrow كلمات اغاني
- anti flag › anti-flag – i don’t wanna كلمات اغاني