ismaeil tamr – love story / قصة حب كلمات اغاني

رح أحكي قصتي من البداي حتى وصل للنهاي
هي قصتي مع الحب أسماع مني الحكاي

أول يوم شفتك في عيونك نسوني كل شي
حبيتك بأخلاص وانتي بتعرفي هالشي

أخترتك من بين الناس حتى تصيري حياتي
حتى تنسيني همومي تنسيني ذكرياتي

سلمتك قلبي وسميتك تاج النساء
همساتك كانو ديماً لجروحي هنن الدواء

تمردتي واتكبرتي تمسكنتي حتى تمكنتي
قلتي عني خاين مع أنك انتي يلي خنتي

ياما داريتك ياما بقلبي خبيتي أم ولادي سميتك
من دموعي سقيتك بس الغالط كان مني مع رفيقي مشيتك
هو الشاهد الوحيد علينا لما ضميتك

ما اتوقعت إنو الإنسانة يلي حبيتا من سنين
رح تكسرني رح بتخون وتجرح قلبي بسكاكين

أنا عم غني من قلبي لأنو قلبي مقهور
ما عم غني حتى اغنا وحتى صير مشهور

أتعذبت كتير من بعدك بس هلأ أنا رح انساكي
رح ادعس على قلبي إذا فكر يوم يهواكي

بدي كبك وكب كل ذكرياتي معاكي
لاتفكريني إذا خنتيني رح ضلني انا أستناكي

روحي لفي الدنيا كلا متل حبي ما حتشوفي
ولا رح تلاقي شب متلي يخاف عليكي متل خوفي

تركتك ومشيت لأتعايش مع هالبشر
أنسان وحيد هدا انا بالمختصر

روتين ممل بكرى متل يلي بعدو
وبعدو متل يلي بعدو ما حدا عم يوفي بوعدو

عالم من الخيانة بجميع الشكال
شفت الخاين الكذاب لنصاب المحتال

بالماضي كان رفيقي واليوم خطب حبيبتي ولوو
لا تسألني كيف صار آي دونت نو

مرت سنين وانا عم حاول إنسى
إنسى يلي صار ولا على قلبي أقسى

وبيوم من الإيام تعرفت على صبية
حاولت قسي قلبي ولو واحد بالمية

تعلقت فيا وصرت كل يوم حبا اكتر
صرت خاف إنو نفس قصة الماضي تتكرر

قدرت تنسيني قدرت تملالي عيني
كلامي هاد إلك بعرف عم تسمعيني

لما الكلمة بتطلع من شفافك بعد الحروف
لما بتقوليلي بحبك بصير عليكي ملهوف

أنتي هدية من ربي انا بدي داريكي
لو بتطلبي حياتي انا بدي أعطيكي

وقفتي جنبي لما كنت مكسور
مهما بدي اوصف فيكي مارح بتكفيكي سطور

أنتي الإنسانة يلي غيرتيلي الكون
وجودك بحياتي خلا فيا طعم ولون

يا أطيب إنسانة انا عرفتا بحياتي
أنا بدي صون الوعد من هلأ للماتي

حبك خلاني عايش بعالم تاني
خلاني فوت الجنة وانا واقف بمكاني

كلمات أغنية عشوائية

اهم الاغاني لهذا الاسبوع