ibrahemmo – ana kdab|انا كداب كلمات اغاني
الكدب اخرته النار يا ابنى لازم تبقى فاهم
و لما التليفون رن قال لي رد و قول له نايم
قال لى ان الصدق بينجى و الكدب ف داهيه يوديك
بس لما قلت الحق ضربنى و لما كدبت نجيت
و لما كبرت و وعيت لقيت ان مفيش جديد
و ان كله بلسانين مش انا الكداب الوحيد
ف اكتب بالبونت العريض انهم ظلموا الجمل
و ان الكدب عند الناس دى زيه زى الهوا
على طول بتصدقك روح ارمى الكدبه ف ودنها
مهو اكيد مفيش ام ممكن هتكدب ابنها
و قولها انها كانت كدبه بيضا لما تبوظ
مهو مفيش كدب ابيض و لا فى كدب بنى ف روز
يجوز منا كداب الكدب عندى شئ مباح
بكدب طول اليوم و اروح انام و ضميرى مرتاح
ف اكتب ف اول صفحه ان شهره ابريل ده باسمى
بكدب لدرجة اننى بعد فتره بصدق كدبى
————————–
انا كداب و كل اللى فات زمان ده كان كدب ابيض
و ده كان كلام يبان سليم عشان ابان ف عينك اشيك
و اهى دنيا ماشيه..و الناس دى ناسيه انها تقول الصدق
و يا ترى اللى قلته ده كان حقيقه و الا الكدب
—————————
اول مره اقول اللى قلته ده الليلادى
صدقيني انتى اول بنت اعرفها ف حياتى
انا البرئ الهادى و كل الناس تشهدلى
من بقى مبتخرجش العيبه و حيات سيدى الحلى
حب الناس دى ليا لو كان بحر مكانش قضى
عمرى ما شوفت الكره عمر قلب ما حس خضه
حياتى بيضا و بمبى و بكل الوان الفرحه
و اللى ف رقبتى دى مش مشنقه لاء جرفته
ف من فضلك فكر قبل ما تقرب ليا حاسب
ياما قبلك ناس جم هنا و اتخموا فيا اسف
خد منى عينات تحت الميكروسكوب هتلاقى
كور حمرا و كور بيضا و كور كدب ف بلازماتى
و ملازمانى منين ما رحت و جيت دايما ع اللسان
مظبوطه ف اتجاهها رايحة لايقة ع الودان
بتصدقها و بتخليك ماشي ورايا لحد الباب
و انا بسوقك على عماك عشان..انا كداب
———————–
انا كداب و كل اللى فات زمان ده كان كدب ابيض
و ده كان كلام يبان سليم عشان ابان ف عينك اشيك
و اهى دنيا ماشيه..و الناس دى ناسيه انها تقول الصدق
و يا ترى اللى قلته ده كان حقيقه و الا الكدب
———————–
كلمات أغنية عشوائية
- jimmy spicer › jimmy spicer – this is it كلمات اغاني
- j reyez › j. reyez – what you know about me كلمات اغاني
- fler silla › fler & silla – nich mit maskulin كلمات اغاني
- messiahga the pharaoh › messiahga the pharaoh – ride (midnight train) كلمات اغاني
- james morrison › james morrison – slave to the music – live at the hospital club كلمات اغاني
- audiogroove › audiogroove – paparazzi كلمات اغاني
- nemesiidae › nemesiidae – versaatchi contest كلمات اغاني
- malin pettersen › malin pettersen – amazone كلمات اغاني
- de la calle › de la calle – ritmo loco كلمات اغاني
- frank ocean › frank ocean – brave كلمات اغاني