haitham nofal – edrabha sarma | إضربها صرمة كلمات اغاني
“كلمات هيثم نوفل “إضربها صرمة[المقطع الأول]
دنيا مش مستاهلة تكونش من بقية اهلك ؟
دي رامية طوبتك بطحتك و لسه عاشقها ياهبل ؟
احضنها اكتر و اكتر شم ريحة عرقها
وقعلها الباروكة و المكياج دنيا سكة
و افضحها ف عين عشاقها علي الرغم من كده
هتفضل انت و هو وانا عوامل مكملة
لدايرة متقفلة ف لفة ساعة بتتخنق
او لفة ذنب يدور ع الكل او كوكب منكم زهق
لونكم بهت ولا الوان الدنيا اللي ضاربة
سيبونا نموت بهدوء مش هنعرف نغيرها
حفرت ف أرض الفشل مطلعليش غير عيشة تطهق
إنزل يا محمد شوفلنا حد أمين يجي يصرفها
يا نجيب ضرفها و نتفرج من شق الباب
عل شمس بكرة و هي بتحرق جلد كل غبي
يا نشعل ثورة تطول كل الرقاب
و نسيب الأرض تلف لفي إوعاكي تهمدي
[اللازمة](x2)
إضربها صرمة متولعش النور سيبها ضلمة
نعمل أغاني ننتشي المزيكا بتصبرنا
هتعمل خير تلاقي شر فمتعملش حاجة أضمن
أنا مش راهب بوذي عشان ابيعلك وهم الكارما
[المقطع الثاني]
تضارب فكري بين طفل لسه ف دمي بيجري
و عقلي الناضج جوا جسم مراهق بيشتتني
أنا مين ف دول يادوب شخص نكرة مش هيطول
ذكره علي الألسنة بمجرد إنه يموت
معقولة الدنيا وصلت للدرجادي م الحقارة
معقولة ف لحظة هبقي فعل ماضي بعد مضارع
معقولة تفضل طول حياتك تجري لحفة موتك ؟
معقولة يا هبة ؟ ..إيه ده ،إيه اللي جابهم دوله؟
فا بقت بلدنا اللي كات م النيل هبة بتتباع
ف صراع الأخير ملك و اللي يجيب التباع
وأدي البتاع اللي كان عامل بتاع راح فين ؟
ياما قبله بتوع دلوقتي بين إيدين
خلقتك و بتخلق و هتخلق غيرك مبتقفش
الدنيا عند حد ، الدنيا عندي ماتش
وأنا واقف بتفرج عليكوا مش بشجع حتي
طول عمري كاره الكورة و كاره كل حاجة تافهة
[اللازمة](x4)
إضربها صرمة متولعش النور سيبها ضلمة
نعمل أغاني ننتشي المزيكا بتصبرنا
هتعمل خير تلاقي شر فمتعملش حاجة أضمن
أنا مش راهب بوذي عشان ابيعلك وهم الكارما
[المقطع الثالث]
إطار منظورك لل حياة إنعكاس فكر مغيب
مطلوب مواصفات قياسية و انت غير مهيئ
انك تكون مقاتل علي حلبة ارض الواقع
تكسر تكتسح كل اللي يواجهك بشكل رادع
صانع درع م الدوافع وسط واقع احتدم
جندي غبي بيدافع وقت تنكيس العلم
الزمن هو اللي خلاه ف عيوني و عيونك غبي
يمكن ف زمن تاني مكنتش هبقي سودوي
lyrics of haitham nofal “edrabha sarma”
كلمات أغنية عشوائية
- 葉月 陽cv柿原徹也 › 葉月 陽(cv:柿原徹也) – el sol florecer كلمات اغاني
- walter egan › walter egan – you’re gonna miss me كلمات اغاني
- elh kmer feat mad › elh kmer feat. mad – jacques a dit كلمات اغاني
- john klipp › john klipp – if i was famous كلمات اغاني
- smino › smino – innamission كلمات اغاني
- morgan heritage › morgan heritage – light it up (feat. jo mersa marley) كلمات اغاني
- timebelle › timebelle – apollo (main) كلمات اغاني
- raiden feat bright lights › raiden feat. bright lights – heart of steel (mix cut) كلمات اغاني
- exilios › exilios – espiral azul كلمات اغاني
- yung hurn › yung hurn – vorbei كلمات اغاني