guillaume de machaut – lasse! comment oiblieray كلمات اغاني
lasse! comment oiblieray
le bel, le bon, le dous, le g_y
a qui entierement donnay
le cuer de mi
pour le sien que j’ay sans demi
et le retins pour mon ami
einsois que eüsse mon mari
qui me deffent
et me gaite mout durement
que ne voie son corps le gent
dont li cuers en ij pars me fent;
car il m’estuet
malgré mien faire ce qu’il vuet
dont durement li cuers me duet
mais pour ce drois ne se remuet
ne bonne foy;
car puis que certeinnement voy
qu’il vuet et quiert l’onneur de moy
et qu’il m’aimme assez plus que soy
et se le truis
si bon qu’il prent tous ses deduis
en moy servir, je ne le puis
laissier, se mauvaise ne suis
eins le puis bien
amer par honneur et par bien
quant j’ay son cuer et il le mien
sans ce que je mespreigne en rien
ce m’est avis
mais j’eüsse trop fort mespris
se j’eüsse l’amer empris
de puis que j’eus à marit pris
lasse! celui
qui tant me fait peinne et anuy
qu’en tous cas toute joie fui
n’en ce monde n’a moy n’autruy
qui me confort
car mi gieu, mi ris, mi deport
mi chant, mi revel, mi confort
mi bien et mi bon jour son mort
et nuit et jour
acroist li ruissiaus de mon plour
quant le plus bel et le millour
de tous ne voy: c’est ma dolour!
mais soit certeins
que, comment que mes corps lonteins
li soit, mes cuers li est procheins
d’amours et de loiauté pleins
se j’aim mon loyal ami
et il mi si loyaument
qu’il est tous miens sans nul si
et je aussi entierement
sans nul vilain pens_m_nt
bonnement à li m’ottri
pour ce qu’il m’a longuement
liement, de cuer servi
ay je pour ce desservi
lasse! aymi, que tellement
m’en demainne mon mari
que de li n’ay fors tourment?
nennil, car certeinnement
mortelment peche celi
qui pour bien faire mal rent
or m’aprent à faire einsi
qu’il vuet que mette en oubli
celui qui m’a humblement
doubté celé, obey
et cheri à mon talent
pour quoy me bat mes maris?
lassette!
aymi, diex!
pour quoy me bat mes maris?
lassette!
je ne li ay riens meffait
je ne li ay riens meffait
fors qu’à mon ami parlay
seulette
aymi, diex!
fors qu’à mon ami parlai
seulette
pour quoy me bat mes maris?
lassette!
aymi, diex!
pour quoy me bat mes maris?
lassette!
كلمات أغنية عشوائية
- lueg › lueg – you كلمات اغاني
- dread mar i › dread mar i – así fue كلمات اغاني
- colour revolt › colour revolt – 8 years كلمات اغاني
- mads christian › mads christian – du ringer bare كلمات اغاني
- katya bort › katya bort – треть человека كلمات اغاني
- swings › swings – 내 멋대로 (i don’t give a fuck) كلمات اغاني
- yung bart › yung bart – zwolnij كلمات اغاني
- muze sikk › muze sikk – used to be your bitch كلمات اغاني
- joe › joe – disgusting / emergency feat. cole كلمات اغاني
- janna pelle › janna pelle – memory lane كلمات اغاني