flenn – nessi كلمات اغاني
[المقطع الأول]
وحدي انا تربيت في وسط دارنا ما
مكنتش داير زهري عندو كاطانا
لقراية حابسة بكري خدمة تاتيري
و ديما ولاد لحلال نرفدو بعضانا
صباح تجيني تقيلة نشوف بابانا ناض
حطمتني لحياة داتني لامينويزي
جاري مخدمني معاه و خيرو ما ننساه
مصروف ماشي ترفاه المهم زربوط يدور
و دمي ساح يما قاتلي الحرفة سلاح
كلمة وليدي أنجح تخليك ما تشوف للور
وانا في قلبي فيد نحس همي جاي من بعيد
وزمان موجدلي الكيد و ياربي كون معايا
مزال ما كمل لقصيد واش نخلي واش نزيد
ما بقاتلي بنة في عيد و مزالت طويلة لحكاية
[اللازمة]
وانا راحو ناسي ناسي ناسي ناسي
اييه وين راحو ناسي و خلاوني وحدي غريب
جامي ناسي ناسي ناسي ناسي
وانا جامي ناسي لي كان لقلبي قريب
[المقطع الثاني]
كيما كاين خبر كاين ناس لي تجيب
يا ريت ما خرجت تيليفوني من الجيب
مع لي درتو في ودني راح عليا نور
و ما كملت الكلمة قلت آلو لحبيب
قالي الدنيا هاذي جاية قسمة و نصيب
نحبك تقصد دارك و موراك ما دور
مع لحقت لقيت ناس
دخان كبير في راسي جاني الفاس
نار كلات الحي و ما بقالي وسواس
لساني مربوط و ما لاقي القول
اليوم ما بقالي ساس
يتيم وبايت برا مسامي قرعة و كاس
شكون لي شاف لحالي كي ما جاني نعاس
عقلي مشالي بعيد وانا وحدي نجول
تقلبت ليام و دقيقة تجوز بعوام و تبخرت ڨاع الاحلام غير الزنقة رافدة هبالي
للغالي ابعت سلام حكايتي تنشف لقلام تمنيتها تكون منام نصحى و يتسڨم حالي
[اللازمة]
وانا راحو ناسي ناسي ناسي ناسي
اييه وين راحو ناسي و خلاوني وحدي غريب
جامي ناسي ناسي ناسي ناسي
وانا جامي ناسي لي كان لقلبي قريب
كلمات أغنية عشوائية
- elliot james mulhern › elliot james mulhern – impossible to lose كلمات اغاني
- rivilin › rivilin – shallow كلمات اغاني
- happy asmara › happy asmara – pasrah كلمات اغاني
- unknownumb › unknownumb – stains of injustice كلمات اغاني
- connect r › connect-r – the love of music كلمات اغاني
- aron street › aron street – lonely arms كلمات اغاني
- t i › t.i. – thank god كلمات اغاني
- mellow › méllow – por ti كلمات اغاني
- coral palestrina › coral palestrina – como vai ser? كلمات اغاني
- callejo › callejo – himalaya كلمات اغاني