férid el extranjero – war9a stylo / ورقة ستيلو كلمات اغاني
[مقدمة]
قالولي مهبول و مبعبص في مُخّك تحكي هكّا
قلتلهم لاني مهبول لا مبعبص في مخّي
انتوما اللي جبناء
بلادي هي بلادكم و نحكي فيها اللي نحب
اللي عجبو عجبو و اللي ما عجبوش، يروووووح
[المقطع الأول]
نبدَو نحكيو ماللوطا حتى نخلطو للفوق
تسكر وذنيك اتّلّف ما تسمعش نحط البوق
عايش في الدنيا كيف الصمبة ما تبيع شي في السوق
حل هاك الفم تكلم حرية لسانك مطلوق
هاذية بلادي و نحكي فيها مانيش مجنون
ويني الحرية وقت اللي تمشي تشوف السجون
حاكم يخلبز بالفلوس يبيعوا في القانون
وين الصحافة وين الإعلام وين التليفزيون
في كل محل منين تمشي تلقى صورة المعلم
في الكياسات شوارع البلاد الحنوشة تفلم
وين القرّاية وين الناس وينك يا المتعلّم
تشوفوا في الهم و الغم و حد ما يتكلم
[اللازمة] (x2)
ورقة ستيلو ضد الريح، ما تخبيش الي تشوفو صحيح
برشا حفر، عينيك لا تطيح في اللوطا
عيش راجل، قلبك صحيح، ما تخلي الكرامة تطيح
! liberta أحكي, تكلم, ناقش قول
[المقطع الثاني]
حكايات غريبة نعيشوا و العدالة ما فماش
في بلاد القوة بلاد الحاكم ولّت غار احناش
تولدنا حرار يا ناس الأحباس ما تسكتناش
طعم الحرية و الحقيقة رانا ما نخبيوهاش
نحكي قي حقيقة نعيشوا فيها رانا الناس الكل
قلوب الناس محروقة و زادت تعبات بالغل
فديت في الشارع إهانة زيد يوريك الذل
نعيشوا في حبس تتكلم تطيش وراء التل
هاذية عيشة عملوا فينا رانا كيف الكلاب
عيشة مرّار الضغط و المقط و العذاب
اليدين مكتوفة و الرقبة راهي تحت الأنياب
برشة حكايات نعيشوها أكثر من ألف كتاب
[اللازمة] (x2)
ورقة ستيلو ضد الريح، ما تخبيش الي تشوفو صحيح
برشا حفر، عينيك لا تطيح في اللوطا
عيش راجل، قلبك صحيح، ما تخلي الكرامة تطيح
! liberta أحكي, تكلم, ناقش قول
[المقطع الثالث]
اكتب عبّر مش في الكورة
احكي عالذّيوبة و النسورة
شوف العيشة ولات غورة
احكي الواقع صفّي الصورة
شوف في الشارع اعمل دورة
إسهل اناثي و ذكورة
ضحايا في افام نمورة
في المنداف
صحافة لسان الحرية
هي الضوء في ظلم الثنية
كلام الحق ديمقراطية
في يديك خيوط القضية
اكتب صور احكي الواقع
ع النّاس إلّي عايشة في خرب
ع المربوط أمّو تندب
ع إلّي يدز فينا و يسب
ع إلّي يبكي خاطر تغلب
ع إلّي ملك منين كسب
ع المتغرّب وين يشب
نحكي عالحشوة و الرشوة
عالقلوب اللي فوق المشوى
عالظّالم عايش بالحشوة
في العباد
[اللازمة] (x2)
ورقة ستيلو ضد الريح، ما تخبيش الي تشوفو صحيح
برشا حفر، عينيك لا تطيح في اللوطا
عيش راجل، قلبك صحيح، ما تخلي الكرامة تطيح
! liberta أحكي, تكلم, ناقش قول
كلمات أغنية عشوائية
- gawne tech n9ne › gawne & tech n9ne – red كلمات اغاني
- plague the fallen › plague the fallen – stomp ya كلمات اغاني
- dafags › dafag’s – пули (bullets) كلمات اغاني
- julia jean baptiste › julia jean-baptiste – je continue à danser كلمات اغاني
- 6en › 6en – no friends كلمات اغاني
- psychic tv › psychic tv – black rainbow كلمات اغاني
- 上坂すみれ sumire uesaka › 上坂すみれ (sumire uesaka) – love crazy كلمات اغاني
- rupaul › rupaul – pink limousine كلمات اغاني
- thin king › thin king – leafless كلمات اغاني
- king kuthulu › king kuthulu – marmaduke كلمات اغاني