essam sasa – howa enta meen (sanat 2000) | هو انت مين (سنة ٢٠٠٠) كلمات اغاني
[المقدمة]
هو إنت مين؟
أنا اللي تايه بين خاينين
ما تقولي فين راحوا السالكين
شربوا السموم
طب قولي طريق
أقولك إيه آسف يا شقيق
أنا تايه في ضيقة بريء
أخويا مظلوم
(كيمو الديب)
[المقطع]
أنا الغلطان
ما أنا بدي لعوله أمان وفي الآخر لازم أتخان عشان أصيل
لكن كسبان
اللي خسرني طلع خسران
خسرني ما أنا جدع يا زمان وهو عويل
حين ميسرة في المعصرة دنيتنا بتهدينا
طب قولي يابا فين الغلابة اللي شبه طبعنا
بشوف عيال عاملين حمل بيكبروها علينا
فرافير كتير ملهاش كبير
علمهم الجدعنة
طب أعمل إيه
أخد براشيم وأسفلي كاس عشان ألغي معاكوا الإخلاص
كفاية رجولة
عاملين مساجين
قالوا كلامهم ومش داركين
دول مباتوش في القسم يومين
حبسة دراكولا
بموت ليلاتي، سبب وفاتي جدعنتي مع أندال
لو ليكوا أي مصلحة ممكن تلبسوا إسدال
تحكي في إيه
طب عشرت إيه
أنا مش فكر حاجة
أفتكر اللي خان وباع
دي خلق كدبه
شدد آلي
عشان صاحبي مقامه عالي
عمر عباده أخويا الغالي
ده رجولة كاملة
وبيت تبكة
وحوش جارحة ماليها مالكة
قراصنة تثور دولا في عركة
براكين شاملة
بحبك إنتي يا بنت قلبي هشكيلك اللي في بالي
يا صاحبي عيب مفيش حبيب، أنا حبي قالب حالي
مالك يا شق مالكش حق ده كله تحت الصرمة
أنا كنت زيك خايف عليك لقلبك يموت من حرمة
بشر ريكلام
مايستهلوش يكونوا أخصام عشان ملهمش أي مقام
دولت هلاهيل
تمنكم كام
تمانكم أوضة الإعدام
ده أي قرش عشانكوا حرام
خفافيش الليل
وأنا سكتي فيها صحبتي مسامير مخرمة رجلي
جدع معاكو ليه بتتزاكوا ده أنا ضهري ليكوا من صغري
طبعكوا كان شبه النسوان اللي بتحكي في ضهري
في القلب ياما والإبتسامة في الوش اللي بيهري
قولولي موقوف
مفيش واحد فيكوا بيكرف وفي شديتي جلي ويقف
ماجوش دقيقتين
دولت جدعان
مع الحكام مع النسوان
لكن معانا دول خرفان
المرشدين
جسدي إتفسد، عيشتي أسد بين الضبع محطوط
قلبي إتكسر، مكان الأثر ضربة واحد جبروت
سكة سفر فيها الغفر حانوتية شايلة تابوت
إختاروا إسمي ما أنا صاحبي خصمي إتمنى ليا الموت
سنة ألفين
دي جابت جيل راضع كيتامين
عيال مفتومة على الحجرين
نفسكوا حشيش
يشوفوا بنات
يركزوا على الشلت خوجات
هو إنتوا معندكوش إخوات
قالولنا مفيش
نظري ضعيف شوفت المخيف سندال وأصله بروتهة
دكتور نظر إكشف عليا نظري واحد على ستة
مابقتش أشوف غير الخروف فاكره رجولة الحتة
إوضعلي حل أنا عقلي إتشل، أوصف علاجي في روشتة
هو إنت مين؟
أنا اللي تايه بين خاينين
ما تقولي فين راحوا السالكين
شربوا السموم
طب قولي طريق
أقولك إيه آسف يا شقيق
أنا تايه في ضيقة بريء
أخويا مظلوم
كلمات أغنية عشوائية
- casper › casper – 20qm كلمات اغاني
- ikon › ikon – i miss you so bad كلمات اغاني
- ikon › ikon – m.u.p كلمات اغاني
- chada feat rx › chada feat. rx – mój własny porządek feat. zbuku كلمات اغاني
- sonofabitch › sonofabitch – tequila كلمات اغاني
- paw city › paw city – canyons كلمات اغاني
- meek mill › meek mill – believe me (feat. dave patten) كلمات اغاني
- ezra lee the havoc band › ezra lee & the havoc band – my baby don’t lie to me كلمات اغاني
- steve spurgin › steve spurgin – tumbleweed town كلمات اغاني
- jonitapani › jonitapani – mieluummin كلمات اغاني