el rass – li-l-3anabir | للعنابر كلمات اغاني
[“كلمات الراس “للعنابر]
هيدي لاخواتنا المظلومين بالحبوس
كيف بنقدر نحلم واخواتنا بالكابوس
فلسطين سوريا ومصر جهنم تحت القصر
هيدي للي ما الهم ظهر بس الن روس
هيدي لاخواتنا المظلومين بالحبوس
كيف بنقدر نحلم واخواتنا بالكابوس
تونس والبحرين سعودية ولبنان
هيدي للي ما الهم ظهر بس الن روس
مرفوعة مرفوعة بتضل ولو اتقطشت
بفروعها بتغذينا بالظل ولو تقشطت
خصل حرية من قضبان ولو ما تمشطت
اجساد عم تتهالك وارواحنا ما تنشطت
طافت الزنازين ودمات الناس ما تقشطت
ضاعت العناوين كلها بساتين تمشطت
كلها بساتين تقشطت من ناسها تعطشت لناسها تشربت كاس دمهم
وناسها تحبست
مطاعم مولات فيه حبوس وثكنات فيه لا مصنع لا مكتبة لا مسرح لا حقلة
ربع ربعنا بالحبس وربعه التاني بالبدلة
وفي ياللي لبس وكان وكمان ياللي كان ولبس
وفي ياللي كان بيدق عالطاولة بس هو لبس
لانه العمو الكبير هو العمو الكبير
العدالة اسمها التاني الدبس بطيز النمس
ربع ربعنا بالحبس ربعه التاني بالبدلة
وربع ربعنا بالفكرة وربع ربعنا بالسفرة
معادلة خطرة قاعدة فشلنا ببكرا
هي مش قضبان حامية مجتمع من مجرمينه
هيدي قضبان حارمة مجتمع من طاقة مبدعينه من بوصلة التاريخ بمظلومينه
كيف القانون وطن اذا المواطن بيهينه بدل ما ينصفه ويحميه
وبعدين بنتعجب ليه الله بس بيعينه
واذا ما كان الله الله بيكون الله زعيمه اللي من الحبس بشيله
قالوا علاء فقد القدرة عالكلام
لعيون سجان طويل العمر رح صير سجين طويل اللسان
باقبية البعث او عسطوح جيش الاسلام
قلتها وبعيدها كتير بعد: الحر لا يهان
شايف الحرية بعبع ماسوني طب انت قل لهم
شايف الحرية عند الصهيوني طب انت قل لهم
شايف النظام حامي عروبتك طب انت قل لهم
طلطل دقدق عالعنابر وانت قل لهم
اللي جوا اجلنا مش لانهم بالحبوس
بالحبوس كونهم اخطرنا خافهم اللي ذلنا
ونحن ناطرين اجلنا تجي ايد من ماضينا تسلنا
يوم الموت مش انكر ونكير اضعفنا بيسالنا
لما قوي الهمنا ولما وقع عنه ملنا
ورجعنا نرعى الشوك ببساتين مللنا
سالت الرب عن خللنا راح مجاوب بالسؤال:
لمن تعود النا؟
نحن اسيرنا تيطلع وجريحنا تيشفى
نحن ضعيفنا تيقوى وصغيرنا تيكبر
هيك بنعرف هيك بنسبر هيك بنعرف ليه عم نصبر
كلمات أغنية عشوائية
- daniella lions › daniella lions – a quiet town كلمات اغاني
- нестор whatswrongwhu › нестор (whatswrongwhu) – starboifreestyle كلمات اغاني
- camouflage › camouflage – kling klang [alternative mix] كلمات اغاني
- los alegres del barranco › los alegres del barranco – soy cuatro letras كلمات اغاني
- danny stern › danny stern – fifth كلمات اغاني
- フェアリーズ fairies jpn › フェアリーズ (fairies) [jpn] – 相思相愛☆destination (soushisouai☆destination) كلمات اغاني
- malco › malco – bounty hunter 4/our aims better كلمات اغاني
- black striped prism › black-striped prism – moonless night كلمات اغاني
- david shawty › david shawty – cold play كلمات اغاني
- dieter bohlen › dieter bohlen – bizarre bizarre كلمات اغاني