a b c d e f g h i j k l m n o p q r s t u v w x y z 0 1 2 3 4 5 6 7 8 9 #

el joker – kam kelma | كام كلمة كلمات اغاني

[المقطع الأول]
مطلع حياتي عدى، نص طفل نص فكرة
كنت بغرق في الحياة لكن ماسك في طوق الفطرة
شفت كله راكب قارب، قانون الغاب في غياب مبادئ
المفروض بيها نتسابق، لكن المشرع كافر
وشفت أيه اللي جايبك ورا بس من غير فايدة
شفت ع الكوكب شياطين بس ما شوفتش في ملايكة
آدم خلاص اتطرد، كل صح مكانه غلط
لأجل ما أقوي مناعتي منكوا حقنت نفسي بنفس المرض
دي سابتني ودي سبتها، دي اللي حالفة تبيع نفسها
بس أنا أحرق نفسي قبل ما أرجع تاني أنام جنبها
دا كلام بقوله دلوقتي لكن لما تجيلي بنساه
مش عارف أعيش إنسان وأنا عايش جوايا حيوان
الجمهور دا مش بيشجع الشخص اللي منغني الغنوة
الجمهور بس بيرجع أكتر حته شايفها حلوة
دا كلام مش تافه جدا، الكلام ده بيحصل فعلا
ممكن تاخده بعمق الفكرة، وممكن تشبع بالكام كلمة

[اللازمة]
ميت كل لحظة عشتها، صاحي كل ثانية نمتها
كل مرة يجي غيري يلون رسمة أنا رسمتها
كل شئ مبدأش انتهى، سيب الحيطة إبعد عنها
تبقى بتوهم نفسك لو فكرت إن الكلام اتفهم
ميت كل لحظة عشتها، صاحي كل ثانية نمتها
كل مرة يجي غيري يلون رسمة أنا رسمتها
كل شئ مبدأش انتهى، سيب الحيطة إبعد عنها
تبقى بتوهم نفسك لو فكرت إن الكلام اتفهم
[المقطع الثاني]
عمري ما لبست المريلة، لكن كنت كل سنة
بطلع الأول وده أول شئ زرع جوايا الأنا
إتكسفت أمسك إيديها بس هي مسكت إيدي
مبقتش بضفرتين كلمتها قلتلها تجيلي
جت مشيتها بعد ماكنت بستناها تطلع
وتشاورلي من الشباك أحمد سبته هناك، مش هيرجع
إي المشكلة مش فاهم، بكرة عليك إمتحان ونايم
أصلي راجع وش الفجر، إطفي النور حبة وقايم
بتعامل كطالب بس الفترة طالت أغلط أغالط
أبقى فاطر، لكن بينهم ببقي مجبر أعمل صايم
مش بناقش حاجة محددة، يمكن ولا تشبيه اتكتب
أصلي ممكن أوصف كل شئ بأتفه حدث
وبتصدقه وتحط شخص مكان كل ضمير تسمعه
فبتتمنى الزمن يرجع أو تستناهم يرجعوا
فاضلت نسبه لعمري وقت ماكنت بضحك
لقيت الناتج صفر، آسف لو ضيعت وقتك

- el joker

كلمات أغنية عشوائية

اهم الاغاني لهذا الاسبوع