el joker الجوكر – yasta l ياسطى كلمات اغاني
زيي زيك .. نمت صحيت لقيت
فجأة عدى العمر خيط .. بعده بالتدريج بقيت
عجوز في جسم عشريناتي ، وفي أحسن حالاتي
مملُكش طاقة كافية لإني مع الظروف أهاتي
فجأة ظهر وسطنا علاج للمشاكل
سيجارة تنقذ روح الشلة اللي بتتاكل
كُنا خلاص على وشك نفقد طعم اللذة
شغفنا مات .. محدش عزى ولا اتعزى
وفجأة .. من سيجارة لكاس لخط .. كله إتلط
مفيش للدنيا شط .. مين بكيفه نط؟
لطشت بإيد ، وإدت بإيد الكيف هدية
فرجعنا نضحك زي ما كُنا في اعدادية
والقطر مبيوقفش ، واتارى الكيف محطة
دنيا تسيب تسيب .. تلم الدين في حطة
لبس واحد واحد مننا في حيط وشطب
فواحد واحد مننا رجع البيت يبطل
طول وعرض عيشنا معرفناش نوسطن
عملنا دماغ مش فاكرينها أصلا
وكبرنا ياسطى … كبرنا ياسطى
بقينا نمشي ، ونحوش حق المواصلة
تهرب من سجن الضرب للحياة تتأسر
تتفاجئ إنك شخص عادي بسهولة بتتكسر
تشحن نفسك عزيمة ، وتبدأ بالواقع تتصل
تاخد خطوة في طريق والناس بتبارك للي وصل
من يوم ما فوقنا بين يارب وبين ياريت
محدش غيرنا من دفعتنا كان مفتحش بيت
عيشنا ومحدش حط في حساباته الزمن
سرقنا سنين ، وطلعت السنين التمن
تيجي الأيام وتولد فكرة بكرة أولى
الدنيا كيف بيرفض فكرة المناولة
فـ النزول يقل ، والخروج يقل
لازم بيت وشبكة قبل مـ التلاتين يهل
بقت بولة .. كله همه ميده
خصوصا بعد أول واحد مننا دخل بيته
محدش سأل ساءت عيشته ولا ارتاحت
كل واحد خاف ليبقى آخر واحد
طول وعرض عيشنا معرفناش نوسطن
عملنا دماغ مش فاكرينها أصلا
وكبرنا ياسطى … كبرنا ياسطى
بقينا نمشي ، ونحوش حق المواصلة
كلمات أغنية عشوائية
- saddle club › saddle club – be free كلمات اغاني
- emeli sande › emeli sande – river كلمات اغاني
- chiddy bang › chiddy bang – by your side كلمات اغاني
- briefs › briefs – where did he go كلمات اغاني
- brian kennedy › brian kennedy – captured كلمات اغاني
- brian jonestown massacre › brian jonestown massacre – wasting away كلمات اغاني
- brian hyland › brian hyland – so long marianne كلمات اغاني
- brighton rock › brighton rock – young wild and free كلمات اغاني
- brian storming › brian storming – stupid pointless drummer boy كلمات اغاني
- bride adorned › bride adorned – blessed stillness كلمات اغاني