el joker الجوكر – fora2 salonat l فراق صالونات كلمات اغاني
راجع نفسه وهو بيقفل الببيون
كان مندمج لحد قبل فرحكوا بيوم
سأل سؤال لو سألتيه عمرك ما تضيعي
انا هنا لأني عايز ، ولا لإن ده الطبيعي
خلص تعليم ، وكوّن نفسه ، وشعره أبيّض سنه
أهله قالوا: يابني نفرح بيك خلاص كبرنا
وأختاروكي عشان جميلة ، وبنت ناس ، ومتعلمة
قعدة .. التانيه .. إتشد ليكي ، وقام ملبس دبل
عمره ما حس لحظة واحدة إنك بتكمليه
الحكاية إنك ناسبتي شكل حياة لازم يبنيه
كان بيطمن نفسه بإن الحب بيتولد بالعشرة
وإن جوهر العلاقة توازن ، وإن العشق قشرة
فاق ، وفكر في اللي جاي بمنطقية
ملايين بمواصفاتها يبقى اشمعنى هي ؟
لو خسرت ميزة .. هفضل راضي بيها ؟
لو شفت واحده أحسن .. ليه متشدش ليها ؟
انتي كمان من صُغرك ماختارتيش حاجه بمزاجك
سيبتيهم يخترعوكي ، بدل ما تسعي لإكتشافك
قالولك كُليات القمة ، يا إما تبوظ حياتك
وانتي ما شاء الله دخلتي طب بإجتهادك
وبقيتي في ركن خلى عدد إختياراتك قليل
الدكتورة تتجوز دكتور ، يا مهندس بالميت
وبقربك مـ التلاتين إتزنئتي في ركن جديد
قطر الجواز هيفوتك ، وانتي لازم تلحقيه
جه وكان باين فيه معظم شروطك في البداية
مع الوقت ظهرت العيوب ، وغطت عـ المزايا
وفشلتي تغيريه ، فبدأتي تحاولي تقبليه
مفيش رجوع خلاص .. بقالكوا سنة أهو مخطوبين
مـ النقطه دي مكانش ، ولا هيكون بينكوا إلا كبت
كان لازم طرف منكوا يرجع مهما كان الوقت
وأهو دلوقتي أفضل من بعدين ، وانتوا لسه اتنين
أحسن ما تاخدوا طفل في الرجلين ، وبكره تقولي صدقت
كلمات أغنية عشوائية
- cokelat › cokelat – betapa aku mencintaimu (bam) كلمات اغاني
- stinky › stinky – keep on you كلمات اغاني
- gruvi › gruvi – bila tiba satu waktu كلمات اغاني
- ello › ello – inilah aku كلمات اغاني
- mr bee › mr bee – dance with me كلمات اغاني
- armada › armada – piluphobia كلمات اغاني
- memes › memes – dia dan cintamu كلمات اغاني
- endah n rhesa › endah n rhesa – blue day كلمات اغاني
- ello › ello – aku selalu ada كلمات اغاني
- ari › ari – jika كلمات اغاني