bu kolthoum بو كلثوم – oum wselna | قوم وصلنا كلمات اغاني
“كلمات بو كلثوم “قوم وصلنا
[المقطع الأول]
ليك اللي بيقلك أنه حاسس فيك كاذب
لا تقلي المين اسف أنا حارق مية شارب
بيغنّوا لمية لاجئ حناجرهن اسفنج عازل
المهم فيوز اليوتوب ما بهم مين بعازه
ليك دمشق دانها ساده لغير ولادها ما بتسمع
هاد ليس تراك موسيقي هاد طلب عفو من الوالده
يوم سمّوا رحمها ساروجه و الولاده
كانت نحنا عيفوا الميديا من ايدكن لنغفا قرفنا
ان كنت ابن لجوء بعز البرد ناطر تدفى
صدقني ما لح يكون همك يروح أو يبقى
حنون جامعة الدّول خايف علينا نغرق
جايين بنص الجمعه نوقف عالطاوله و نخرا
مين أنته عفواً ؟ .. و مين اللي حط جرحي
بكل دعايه و نشره .. تكرار سيناريو جفرا
حكاية بلدي مانها موضه تعاطفك خلّيلك
لو كانت دمشق بتمشي كانت اجت تخلع نيعك
[اللازمة]
كل ما بغفى عالقاعد ببقى عكرسي بتكسي و أمي جنبي
بتطبطب عكتفي تقلي أمّي : ” قوم وصلنا ” فتّح عيوني
ضمّ شارعنا لصدري حس حيطانه عخدودي
كل ما بغفى عالقاعد ببقى عكرسي بتكسي و أمي جنبي
بتطبطب عكتفي تقلي أمّي : ” قوم وصلنا ” فتّح عيوني
ضمّ شارعنا لصدري حس حيطانه عخدودي
[المقطع الثاني]
ليك نحنا بس الشّهدا إن متنا عالستيج
بنص الليل عتمه فايق بتلمّس حيطان البيت
تصحّيني أمي تقلّي لبيس عالسّاكت لا تقلّي ليش
عصحرا بيضا مافي حرب فيها لا تقلي وين
و دعت بلكونتنا و بإيدي مخدّه
لابس أسود أرمل بعدّه أربعين يوم بلحيه
بقلها : ” تتجوّزيني ؟ ” بتقلي : ” لسّاك صغير
“العرب مالهن بالعاده يحبّوا الأرض عبكّير
” قلتلها : ” العرب كذبه بان النّجس يوم النكبه
من طول عمري عيوني بأرضك ما بتطلّع فوق القبّه
زرعت فيكي شتله بتسقيها دم بتخونيني
متل ما عطابور ختان الجواز تركتيني
تحت بلكونها و اهلها بالبيت عم يتناتفوا
دمشق اطلعي اتغمّيلي تركيهن يتساوموا
طلعتلي الكحل عخدودا عم تبكي
قالتلي ليك .. بس ترجع .. منحكي
[اللازمة]
كل ما بغفى عالقاعد ببقى عكرسي بتكسي و أمي جنبي
بتطبطب عكتفي تقلي أمّي : ” قوم وصلنا ” فتّح عيوني
ضمّ شارعنا لصدري حس حيطانه عخدودي
كل ما بغفى عالقاعد ببقى عكرسي بتكسي و أمي جنبي
بتطبطب عكتفي تقلي أمّي : ” قوم وصلنا ” فتّح عيوني
ضمّ شارعنا لصدري حس حيطانه عخدودي
كلمات أغنية عشوائية
- lukas graham › lukas graham – wish you were here كلمات اغاني
- оникс ethan evans › оникс & ethan evans – onlyfans كلمات اغاني
- daniel granum › daniel granum – memoriale كلمات اغاني
- donnie menace › donnie menace – around here كلمات اغاني
- dattebayo_music › dattebayo_music – free form lower nerdcore rap كلمات اغاني
- freddie aguilar › freddie aguilar – sa paskong darating كلمات اغاني
- culture code caslow nina sung › culture code, caslow, & nina sung – wish you the best كلمات اغاني
- asuo › asuo – omg lowdown كلمات اغاني
- karissa frampton › karissa frampton – parties كلمات اغاني
- japanese folk metal › japanese folk metal – 駿河温泉物語(suruga onsen monogatari） كلمات اغاني