birol topaloğlu – cilvelo nanayda كلمات اغاني
raxat vorťi si ma sole mažiri
va viǩaçer gemidvana zinciri
gomişinaş mamťen seri-ti nciri
mu mağodu haşo e gyuli çkimi
dido mskvare muḉo dağişi mskveri
ťrangi şen kogiğun tolepe sveri
rengi skani sanki didaşi mkveyi
na gžirasens toli goǯağen gyuli
seri tuta varťu si memotani
iri kodedgiťu sotxa goynǩani
ǩirǩolay mskva iya muḉo ťiǩani
var memaxondinen sevgyuli çkimi
mḉima mḉima dido kogexťu ğali
mat var miçkin he gzas muḉo vigzali
nosis kogamapti var miğun xali
si guris memiḉvi sevgyuli çkimi
ťobaşe eviťi msǩalas gevustvi
tude kodovantxi muçoşi vustvi
hem şkurnaaten oxoris elevustvi
gomoťroxu ǩuçxeşen gyuli çkimi
zaťi komiğuťu guri pupuli
haǯi emanḉinu açkva burguli
duzi var gomalen govulur ğuli
ar xe kelemisvi sevgyuli çkimi
çkimi şeni iri şei eçkodu
daimiten gui-ti memoḉkodu
dunya gexťu ortaşen oǩoḉǩodu
insafişe moxťi sevgyuli çkimi
ha gençluği açkva peşe va mulun
ǯanas iduşini sevgyuli çkimi
كلمات أغنية عشوائية
- jimix vendetta › jimix vendetta – stupid love كلمات اغاني
- olvi › olvi – mart كلمات اغاني
- wisnia bakajoko › wiśnia bakajoko – majdanek كلمات اغاني
- anna jurksztowicz › anna jurksztowicz – przepraszam cię كلمات اغاني
- metox › metox – надя толокно (nadia tolokno) كلمات اغاني
- images in vogue › images in vogue – calling my name كلمات اغاني
- broke rell › broke rell – different route كلمات اغاني
- kristina › kristína – bude sa ti snívať sen كلمات اغاني
- weye › wéye – make the time كلمات اغاني
- second to sun › second to sun – eerie كلمات اغاني