batistuta – باتيستوتا – mercedes – مرسيدس كلمات اغاني
[المقدمة]
إسمع أبن والدي
ياي_ياه، ياي_ياه
بع_بع، ياه
[اللازمة]
بادِئ اللعبة بتيربو وجايب السادس جاي في طريقي
أميز نبرة في جيلي، غير الكل، flow مرسيدس
لما بهدي شوية ويجروا عليا ويسألوا “في إيه؟”
برفع إيدي وأهز دماغي وأقول “ما تعلوا الـ dj”
ع الأسفلت ما أجليش، إنتوا شوية جاز على ورنيش
بتكركروا على ما بتحضروا، قيمة ع الفاضي زي النيش
بلعب على سحب تقيل وإنتوا يادوب على قد الإيد
بتشحروا في الطالع وأنا طاير بينكم من غير ريش
[المقطع الأول]
هديك من تحت مقصات
رخم أكني مطبات
سمكري مفتري عندي صداع
هلعبلك في العفشة وفي الصاج
هتلوك كتير في الأرقام
هحدفك بمفتاح يجي في الراس
فابريكا، ماليش في الأعطال
ع الزيرو، ما ألمش في تراب
صاروخ مقفل في العداد
أخوك في بلده عمود كردان
بدوس على الدواسة بتقلي
تشوف شيطان نار من الچكمان
مچنط العجلات، باتمان
بطل في نص الليل، سفاح
لو إتنكشت في أي سباق
بشوف وشوشهم في المرايات
زي الدبان رغي وزن، بيبصموا ع الأزاز
فبديها عن عن وأشغل المساحات
بكروز وفي إيدي دلو بعبي فيه المعجبات
بفرمل لما صحابي يقلبولي الكشافات
[اللازمة]
بادِئ اللعبة بتيربو وجايب السادس جاي في طريقي
أميز نبرة في جيلي، غير الكل، flow مرسيدس
لما بهدي شوية ويجروا عليا ويسألوا “في إيه؟”
برفع إيدي وأهز دماغي وأقول “ما تعلوا الـ dj”
ع الأسفلت ما أجليش، إنتوا شوية جاز على ورنيش
بتكركروا على ما بتحضروا، قيمة ع الفاضي زي النيش
بلعب على سحب تقيل وإنتوا يادوب على قد الإيد
بتشحروا في الطالع وأنا طاير بينكم من غير ريش
[المقطع الثاني]
براند وماركة وكاشح الكارتة
مافيش alpha بياخد مخالفة
واقف بلعب جوة الموقف
مخلي الكل تنح برق
لعيب حملة وبعمل كحكة
معلم أرضي زي الحلبة
ياخد مني الجولة يخيش
قلبه أكنه واكل علقة
بالتعب بجيب اللقمة
عشان كده ع الطريق أنا تهمة
بحط المفتاح في الكونتاكت
وأجبها بغمزة بالـ eye contact
بركبها العالي الغالي وبرفع بالكوريك الهوندا
بظبط مساميري وأروق حالي وبنطلق ع السخنة
عارف بيزل الكيف عشان محتاج إني أغير زيت
سوبر سونيك، ما تشوفش الديل
ما أجليش وأنا في نص الـ race
أول في تاني، تالت في رابع
خامس، سادس، ما بقفش break
قاطع نفسها زي السيف
مع المكنة ما أعرفش العيب
سيستم ع البستم ينزل يرسم غرزة أبطال
نادي الحريفة عايز قلب ومحتاج أعضاء
هتخاف تتكيس، هتلاقي نفسك محدوف أسوان
لو جنبي هتركن هلزق على وشك حرف الـ r
كلمات أغنية عشوائية
- queen latifah › queen latifah – i love being here with you كلمات اغاني
- dsound › dsound – come back my friend كلمات اغاني
- yellow tricycle › yellow tricycle – white noise كلمات اغاني
- yellow umbrella › yellow umbrella – new time warrior كلمات اغاني
- yellowman › yellowman – watch it كلمات اغاني
- cymbals eat guitars › cymbals eat guitars – share كلمات اغاني
- yim yames › yim yames – my sweet lord كلمات اغاني
- queen pen › queen pen – queen of the click كلمات اغاني
- cutdown › cutdown – in memory of كلمات اغاني
- d4 › d4 – stops me cold كلمات اغاني