arsenik (eg) – karma | كارما كلمات اغاني
[المقطع]
من قلب الأرض اللي الشجر مبيكبرش في جذرها
عرش من دهب تتصوره إن ذكرت إسمها
هنا الشاطر بعد العركة مبيطلعش متهم
لو ضاع في المحكمة بيخش ومبيطلعش منها
أديكوا مثال، زي صاحبنا اللي إيده بتاكله
مكنة إسمها نقص وفيه زبون إسمه الإيجو راكبه
شبح سنينه، كل اللي يجيله في طريقه يشاكله
فلانتينو في نفسه، واخد تلت تقديره في شكله
الدكر حضر تلقى النكش بيدور
جسمه مش عضل، ده وزن زايد من أكل الكفوف
في الكلام خط، لكن يقلب قط وقت الهجوم
دق ف طبول، حالة حرب هلع شك وظنون
شكل الأسود ميغرش لو قلبك ده قلب فار
إنت أكبر قزم، ميجيبكش حجمك مع الكبار
كما الميزان، هتدين مع كل ألم تتدان
زي ما قالولنا جدي وجدك ياض الزمن قلاب
بتعيد نفسها الأحداث، رغم إن راسه في الغلط
صاحبنا ده كان ملاك، لكن شيطانه اللي طغا
بسبب أصحابه إتضغط، الصح في راسه إختلط
أخد طريق كل واحد مقدارو ودارو إتخرب
قدرة صابو بالغضب، ليلة عاتمة في الشتا
جاتله مكالمة من صاحبه اللي بيزقه على الإفترا
بيتعارك، وده راشق، بتحمسه الجريمة
فراحله جري، جاتله مغامرة هتحسسه بالقيمة
يحكي لده وده وياخد الشابو، ده مصدر قوته
لو كان يعرف إن دية النقطة الفاصلة في قصته
وهتسيبله بصمة في جتته، كان هيلصم سكته
لكن شيطانه وسوسه ومقدرش يكسر كلمته
إدعي القاضي يقصر مدته، وصل مكان الحدث
سلاح بمكن، ناس بعدد، هنا النزال إبتدأ
خلاصة الكلام للأسف من وسط الزحام في الخفا
صاحبنا فتح دبلته على الهدف، الواد إتقتل
هنا النزال إنتهى، كله قال يا فكيك
الأسود إتقلبوا، فردوا جناح الخفافيش
كله بيطير، إلا صاحبنا، بيسأل نفسه “ليه؟”
السلاح ده أنا ماسكه ليه واللي أنا فيه ده إسمه إيه؟
من جواه بيسأل صحابه في وسط الدكن ده “إنتوا فين؟”
في أمل إنه شيء يتغير من ندمه في عينيه
حاسك أصاحبي، دي نار العذاب في التهامها
دي جهنم أصاحبي، وإنت فتحت باب من بيبانها
فمهلك أصاحبي، ليه غارق في همومك دلوقت
اللي ضحكلك في وشك بيشمت وبيلومك دلوقت
كنت تجري لأكل عيشك، كان هيصونك دلوقت
بس إنت إخترت تبقى بتجري من الحكومة دلوقت
قولي صاحبك اللي عازك، هل لو عوزته تلقاه؟
الإجابة، بص، مفيش غيرك إنت وبوكس في سباق
بقصر وإيجاز، تقدر تطلب اليسر من الله
بس ربك عدل، وزي ما على عباده دوست، تتداس
كارما
وكله بإختيارك إنت
متسوح من حارة لشارع، من شارع لحارة و ينهج
والطاقة بتهدا، عور نفسه في وشه وكسر دبلته
رماها، أملاً في إن القاضي يقصر مدته
دي النقطة الفاصلة في قصته
وصل مكان الحدث، أجواء القلق
ناس بعدد، هنا النداء إبتدأ
”محكمة” الشهود بتدني بأقوال بينما
صاحبنا في قفصه وبيراجع كل اللي فات من الندم
ملف قديم وسط ملفات إتسرد
صاحبنا كان عليه قضية ضرب وسلاح من زمن
كان عور شاب في وشه، إفتكر، جاله إنذهال من العجب
نفس التعويرة دي في وشه دلوقت، وده كان التمن
بتعيد نفسها الأحداث، جه الحكم وصدر قرار
بالمؤبد، هيكمل حياته ورا القبضان
صاحبنا عبرة ومثل للناس، كما الميزان
زى ما قالولنا جدي وجدك ياض الزمن قلاب
كارما
كلمات أغنية عشوائية
- dounia › dounia كلمات اغاني
- nerdout › nerdout – overthrow the reich كلمات اغاني
- blockboy k › blockboy k – fanta كلمات اغاني
- kidd rebel › kidd rebel – timeless كلمات اغاني
- sesela › sesela – bad happy كلمات اغاني
- gator the alligator › gator, the alligator – strikes and gutters كلمات اغاني
- capoxxo › capoxxo – bellissimo كلمات اغاني
- george thorogood the destroyers › george thorogood & the destroyers – memphis كلمات اغاني
- gleep arg › gleep arg – please stop drinking with ket, it’s bad كلمات اغاني
- martin c upsidown › martin. c, upsidöwn – stride كلمات اغاني