a b c d e f g h i j k l m n o p q r s t u v w x y z 0 1 2 3 4 5 6 7 8 9 #

yousef joker - sahla | سهلة كلمات الأغنية

[المقطع الوحيد]
زيك زي زاب بالظبط، راب تنمية بشرية
طبيعي نكسب فان يجيلكوا قصاده مية
الجهل مؤذي جداً وإحنا في الأمية
الناس محتاجة كدبه وقدوة حتى لو وهمية
مكانش عجبك الصدر أبو ست أصفار
هو ده الدور اللي خلي الريتش يبقي نار
لما زهقت ورجعت تتكلم لغة الكار
سيبت كل حاجة وتاني مرة بتتكلم ع الدولار
غيرت مبادئك ليه؟ مجابش معاك الأدب
ولا النسب اللي بينك وبين القلم إتنسى
ولا السبب إنك محمل على فلو طلعله أتب
المهم، الشغلة لايقه عليك عشان صياحك طرب
بركبها، بعيشها ومش بحلمها
الناس دي مش فاهمه الجهل دائها فمحلي السهل في دماغها
هرم هو الشافعي متعقدش السهلة
كان هيكتب إسمه لو التراك طلع أحلى
فكك دلوقتي من مين عميق ومين هلس
ده مش ديس ده درس عشان إنت غارز في الهرس
هات البيت الأول وأكتب مش العكس
‫مش جايه معاك نزل الـ lyrics بوستات بس
النصيحة التانية مهمة حاول تعمل بيها
رأيك في تراكاتك باين من أساميها
إتعب ودور أمن بنفسك واتطور
صدقني كلامك ميت بس الجهل بيحيها
حتة صعبة فعلا بتاعتك إنت
محدش يحب يروح في حتة والبيتات في حتة
عمري ما شوفتك ولا جيتلك بماشيك وبنضحك
أجمد رابر في مصر الكلام ده تقوله في سرك
محترم أشهدلك، ليه بتتسرسج يسطا
ديلر وكبسة إيه، ده إنت مغير الجامعة بواسطة
عمال تلعبك نفسك زي الراستا
رقم واحد ده مش إنت الشافعي كان مجهزهولك أصلا
عندك متابعين كتير، آه وبعدين
بقالهم سنين كتير معاك فادوا المجال بإيه
زيك زي أي صانع محتوي ودول بيلموا كتير
الراب إتشهر بالجديد اللي مش عارف تيجي فيه
مش خايفين يدسوك
خايفين ترد عليهم يضطروا يسمعوك
الشركة دي مرضيتش أمضيلها مسحتلي تراك
بس المرة دي البوستر حصري مش هينفعوك
عداء ومكمل سباق
السعي واجب ع الكل والأصول أرزاق
أمشي برجل مقطوعة ومتزقنيش من عطلان
لو حقي في بلاد الشام هجيبه في شنطة من العراق
مش عاجبكوا أسلوبي مبتنفسش على حسابكوا
مش بقوم من نومي هدفي أكسب اعجابكوا
مش مهتم إن اخسركوا ولا مهتم إن اكسبكوا
قولولي كل اللي مش عاجبكوا فيا عشان اغيركوا

- yousef joker

كلمات أغنية عشوائية

كلمات الأغاني الشهيرة