a b c d e f g h i j k l m n o p q r s t u v w x y z 0 1 2 3 4 5 6 7 8 9 #

youppi x youppi - loco lyrics

قهوة و ڤارو و مسطالي و شكارة في بالي مديكالي الأوقات
فراسي منظر إيطالي دلالي و الواقع البلاد في سبات

حاب نبوجي مالتالي، ناكتيفي حالي
الفيد عليا يشالي يا توفيق
أنا يما قبل كلشي و الباقي جازكم غالي
و نتايا قولي يا جان وقتاش تفيق ؟
عيينا هاذي هي، عيينا من كلمة “بشوية”
هنا حياتك قاع يسالوا فيها
إشتراكية و العقلية إفريقية
هنا ماكاش الخصوصية، هنا كية تطبع كية، مالكرهة تتقيى
حياتي كاملة و أنا نقرى، حتى راحت النبرة
و شفت اللي قراو قبلي، منهم ديت العبرة
حاب نجرّب لغة أخرى، نجرّب حوض مالشقرة
نجيب ذراري شابين، نسڤم شكل الأسرة
كرهت الزوبية فالشارع، كرهت الغبار
كرهت كل يوم وين نشارع، حتى وليت حمار
و جاري كل يوم بالع و التطباع فالكار
لافريك، كرهت لاربيتر، كرهت الفار
كرهت القوة و الكهول، [؟]
يحكوا على أسعار اللفت، الطرشي، ماشي لاحق طارو
تلقى ڤارو يدمر ڤارو
يخدم فإدارة، بيروقراطي طايح شعرو، يتبلى فكاش حمارة
هنا العقول ثقال، خصونا علماء
شعب ما يحبش بلادو، حاب يردها قمامة
جينا حنا وسط الأمم، حيرنا الأممة
شعب معمّر مهابل و يڨولو حنايا عظماء
خويا لخضر غير أرواح تڨابل
الزاير شابة غير نتوما مهابل
وضعي يعيي و الله ماني حامل
يو، معاكم كيفاش نتعامل ؟
نتوما دونجي عالدمار الشامل
هاذ القوم بيه ما راني قابل
باش تتسڤم أنا فقد الأمل
لي ڤعد و هبل يستاهل
و أنا جدي رفد السنطرة (با_با_با_باو، با_با_با_باو)
و أنت مرتك المسيطرة (المسيطرة)
لهنا الراجل عاد بلا قرار (بلا قرار)
شكون لي ولى يعمر الفراغ
نشوفكم نولي نغني أندلوسي، قوم ترى، قوم خرى
كوم بارازار نحس في روحي ما نتكومباراش
لوكو، حا تردوني لوكو
نولي نشم لا كوك، أوه عييتوني بوكو
فالآفات تسطوكو، ناس فالشارع يشوكو
الشعب ڤاع لابس كروكو، مصاغر دروڤا يدروڤو
حبسو علينا شي طقوس
راح نكيتي الحومة، راني راح ندير البوسيبل
هدرتي ماشي مفهومة، تڤول راني نتكلم روسي
يكرهو في يوبي هوما، شعب يقيم غير الپوسي
ڤاع يڤرادو يپروفيتو، الخرجة برى شغل پروسي

- youppi x youppi lyrics

كلمات أغنية عشوائية

اهم الاغاني لهذا الاسبوع