wust el balad - shashet el telephone كلمات أغنية
شاشة التليفون ودتني لفين
قسمتني إتنين
أنا بيني وبين الدنيا إزاز
عالم وهمي وعايش في جهاز
أنا تهت ومش عارف أنا مين
شاشة التليفون ودتني لفين
أنا تهت ومش عارف أنا مين
شاشة التليفون ودتني لفين
شاشة التليفون وخداني بعيد وأعيد وأزيد فكلام فاضي
ده إفترى وانا بالإفترى راضي
شاشة التليفون وخداني بعيد وأعيد وأزيد فكلام فاضي
ده إفترى وانا بالإفترى راضي
حتى صحابي حالهم حالي
وحبيبتي مهياش بصالي
بعتالي بدل متقولهالي
بحبك إنبوكس، العلبة تشيل
مشاعرنا زي علبة مناديل
والعين مبقتش بتيجي في العين
شاشة التليفون ودتني لفين
يُعجب مُعجب مليون إعجاب، إنفتح الباب للأنا فتقود
متبوع يتبع متبوع تابع
يُعجب مُعجب مليون إعجاب، إنفتح الباب للأنا فتقود
متبوع يتبع متبوع تابع
والكل بيجري ومش سامع
في الغابة تملي الأقوى يسود
كام حاجة حلوة في عمرنا بتفوت
كام حاجة حلوة في قلبنا بتموت
من غير ولا صوت ولا حتى أنين
شاشة التليفون ودتني لفين
ماشيين باصين كلنا في الأرض خلاص بطلنا نبص لبعض
طب إيه بيجرالنا وإيه حاصل
ماشيين باصين كلنا في الأرض خلاص بطلنا نبص لبعض
طب إيه بيجرالنا وإيه حاصل
ده لا هو إجتماعي ولا تواصل
الشاشة مالكانا وسرقانا
بكاشات شاريانا وبايعانا
والهالة بتكبر بلعانا
قربنا خلاص على يوم الدين
شاشة التليفون ودتنا لفين
ودتنا لفين
ودتنا لفين
ودتنا لفين
كلمات أغنية عشوائية
- el$o rodríguez - cave كلمات أغنية
- vrxn - wish i didn't text back كلمات أغنية
- p1harmony - follow me كلمات أغنية
- aaron fraser-nash - venom sings a song كلمات أغنية
- ein pädophiler rapper - amélie كلمات أغنية
- maksimal al & whitefx - new year كلمات أغنية
- bughacum - capodanno a bovolone كلمات أغنية
- king billionheir - la familia كلمات أغنية
- siigh - beluga كلمات أغنية
- irzadzhii - the journey begins & b737 كلمات أغنية