![kalimah.top](https://kalimah.top/extra/logo.png)
wolfgang niedecken - neuleed lyrics
letz, bei ‘nem auftritt woot mir folgendes kloor:
du muss e neu leed schrieve _ jung _ weil et ess bahl ald niemieh woor
dat, du e leed jebraat häss, dat bislang noch keiner kannt
denn graad ein aufgeklärtes publik_m will af un zo jet neues hann
o.k. … dä auftritt ess jelaufe, kurze rede, langer sinn
ich will jetz nit verzälle wie, weil dat absolut nix bring
un usserdämm dat leed dan widder vill ze lang weed un dann schäng
ming plattenfirma, weil die pressung vun dä plaat weed dann zo eng
och die mässitsch jing dann fleute, keiner nöhm mir mieh jet ab
dat wöhr ‘t vorzeitije aus für mich … (un für die janze firma bap)
die ökos lehten uns dann hänge un dat fänd ich fürchterlisch
weil ich dann ussjeschessen hätt als “alternativ millowitsch”
ahm nähxte morje _ ming partie woor kaum uss der düür eruss
se fuhr ihr mamm besöoke, weil mer sujet aff un zo ens muss
in punkto wäschmaschien ess uns’re haushalt nämlich nit autark
un usserdämm: einmohl em mohnd finge mir großfamilien stark
en fläsch retsina op der köschendesch (die sibbefuffzisch koss)
die bring mir ‘t inspirierende feeling (su wie andre irish moos)
paar mohrenköpp _ ich hoff, dat weed mir nit rassistisch ussjelaat
denn en tranchierter form weed jed wood vun mir neuerdings op de joldwaach dropjelat
ne chauvinist ess nämlich der, der övver chauviniste sing
schon en der bibel ess der schuldig, der die schläächte nachricht bring
ich schlaare vüür: övver dä chaplin weed aff jetz nitmieh jelaach
dä hätt sich als hitler persiflage nämlich selvs dä janze wahnsinn övverlaat
suvill ahm rande _ jedenfalls _ ich sooß ahn mingem köschendesch
ming utensilien praatjelaat, schön akkurat, schön ödentlich
e thema hatt ich noch keins, dodraan woor ich noch nit intressiert
nur eins woor jetz ald kloor: dat leed, dat weed om umweltpapier komponiert
su hing ich römm un woor dat bleisteffeng verjeistigt platt ahm käue
do jing die klingel, ich maach op, dä schäng kütt rinn un fröht: “wat läuf he?”
aha _ ahm rocken beeste … un retsina drinke deiste och
doch meinste wirklich _ jung _ su ‘n literfläsch wöhr für uns zwei jenooch?
ich saare: “drink doch eine met un setz dich hin un halt die schnüss”
denn ich kunnt jo nit vill saare, weil dä schäng su selden kütt
en idee vun ner idee kohm, doch do jing et telefon
ich jonn draan, do säht ne typ mir, dat sich ‘t rocken nur em “dienst der sache” lohnt
hä säht, hä wöhr dä kaderleiter der “subverso_teil_fraktion”
un zwar vum kämpferischsten flügel: “aufbau_organisation”
hä brööt e leed für dä parteitag, die pointe hätte schon:
“weg mit den splittergruppen _ vorwärts mit der s.t.f._a.o.”
ich saach: “ens luhre, meister, ‘sch roof zeröck” un häng dä hörer enn
jonn noh dämm schäng zoröck, dä trick sich jraad dä rest retsina renn
un meint: “mann _ schriev ens jet, wo mer sich kein jedanke maache muss
wo mer die power musikalisch spürt, em magen, un dann schluss.”
ich setz mich hin, nemm mir ming jittar, spill ‘ne mollige akkord
do kütt dä husseyin vun bovve un säät: “nix arbeit heut bei ford
du feiern mit kollegä … ische kaufen bier un trinken mit”
jesaat _ jetaan _ die kösch weet voll, denn hä braat frau un pänz treck met
des meddaachs kütt dann noch ming tant, die hätt wie husseyin hück frei
dä schmal luhrt noh’nem klassentreffen met paar k_mpels noch vorbei
als schon om desch jedanz woot _ steinzeit_hits _ ihr wesst schon: ultralaut
ich soll mich och noch verlob hann … met ir’dner putativen braut
wat zweschendurch sich noch jedonn hätt, ess mir nimieh völlig kloor
jetz fällt mir en, dat do noch jet met’ nem praline_abo woor
dä schmal meint, ich hätt ungerschrevve ‘n zwar uss solidarität
met minger tant _ weil dä hausierer die ahn dä freddy quinn erinnere däät
em lauf des abends woot dat leed su nevvebei noch komponiert
als kollektiver kreativitatsbeweis manifestiert
ne text, dä jeder joot fing _ jeder schnallt _ un nit nur esu deit
un dä jeht:
humba, humba, humba _ täterätätätätätätätätätä
un dä jeht:
humba, humba, humba _ täterätätätätätätätätätä
humba, humba, humba _ täterätätätätätätätätätä
humba, humba, humba _ täterätätätätätätätätätä
كلمات أغنية عشوائية
- katori walker - modern adult lyrics
- ronin - my little angel lyrics
- protiva - dirtyp lyrics
- stri nw - 2005 lyrics
- рейли (reyli) (rus) - fck that lyrics
- jack ziesemer - crooked creek lyrics
- mr. sad head - hot weather blues lyrics
- the cybertronic spree - toys inc. lyrics
- ynw bortlen & hotboii - through it all lyrics
- sentaliium - candles lyrics