wardruna - sonatorrek كلمات الأغنية

1. mjǫk erum tregt
tungu at hrœra
með loptvétt
ljóðpundara;
esa nú vænligt
of viðurs þýfi
né hógdrœgt
ór hugar fylgsni

2. esa auðþeystr
þvít ekki veldr
hǫfugligr
ór hyggju stað
f-gna fundr
friggjar niðja
ár borinn
ór jǫtunheimum

3. lastalauss
es lifnaði
á nǫkkvers
nǫkkva bragi;
jǫtuns hals
undir þjóta
náins niðr
fyr naustdurum

4. þvít ætt mín
á enda stendr
hreggbarnir
sem hlynir marka;
esa karskr maðr
sás kǫggla berr
frænda hrørs
af fletjum niðr

5. þó munk mitt
ok móður hrør
fǫður fall
fyrst of telja;
þat berk út
ór orðhofi
mærðar timbr
máli laufgat

6. grimt vǫrum hlið
þat ’s hrǫnn of braut
fǫður míns
á frændgarði;
veitk ófult
ok opit standa
sonar skarð
es mér sær of vann

7. mjǫk hefr rǫ́n
of rysktan mik
emk ofsnauðr
at ástvinum;
sleit marr bǫnd
minnar ættar
snaran þǫ́tt
af sjǫlfum mér

8. veizt ef sǫk
sverði rækak
vas ǫlsmið
allra tíma
hroða vábrœðr
ef viða mættak
fórk ægis
andvígr mani

9. en ek ekki
eiga þóttumk
sakar afl
við sonar bana;
þvít alþjóð
fyr augum verðr
gamals þegns
gengileysi

10. mik hefr marr
miklu ræntan
grimt es fall
frænda at telja
síðan ‘s minn
á munvega
ættar skjǫldr
af lífi hvarf

11. veitk þat sjalfr
í syni mínum
vasa ills þegns
efni vaxit
ef randviðr
røskvask næði
unz hergauts
hendr of tœki

12. æ lét flest
þat ‘s faðir mælti
þótt ǫll þjóð
annat segði;
mér upp helt
of herbergi
ok mitt afl
mest of studdi

13. opt kømr mér
mána brúðar
í byrvind brœðraleysi;
hyggjumk umb
es hildr þróask
nýsumk hins
ok hygg at því

14. hverr hugaðr
á hlið standi
annarr þegn
við óðræði;
þarfk þess opt
við þrágǫrum
verðk varfleygr
es vinir þverra

15. mjǫk ‘s torfyndr
sás trúa knegum
of alþjóð
elgjar galga
þvít niflgóðr
niðja steypir
bróður hrør
við baugum selr

16. excluded

17. þat ‘s ok mælt
at mangi getr
sonar iðgjǫld
nema sjalfr ali
né þann enn
es ǫðrum sé
borinn maðr
í bróður stað

18. erumka þekt
þjóða sinni
þótt sér hverr
sǫ́tt of haldi;
burr ‘s býskeyðs
í bœ kominn
kvánar sonr
kynnis leita

19. en mér fens
í fǫstum þokk
hrosta hǫfundr
á hendi stendr;
máka upp
í aroar grímu
rýnnis reið
réttri halda

20. síz son minn
sóttar brími
heiptugligr
ór heimi nam
þanns ek veit
at varnaði
vamma vanr
við námæli

21. þat mank enn
es upp of hóf
í goðheim
gauta spjalli
ættar ask
þanns óx af mér
ok kynvið
kvánar minnar

22. áttak gótt
við geirs dróttin
gerðumk tryggr
at trúa hǫ́num
áðr vinan
vagna rúni
sigrhǫfundr
of sleit við mik

23. blœtka því
bróður vílis
goðjaðar
at gjarn séak
þó hefr míms vinr
mér of fengnar
bǫlva bœtr
es et betra telk

24. gǫfumk íþrótt
ulfs of bági
vígi vanr
vammi firða
ok þat geð
es gerðak mér
vísa fjandr
af vélǫndum

25. nú erum torvelt
tveggja bága
njǫrva nipt
á nesi stendr;
skalk þó glaðr
góðum vilja
ok ó-hryggr
heljar bíða

كلمات أغنية عشوائية

كلمات الأغاني الشهيرة