a b c d e f g h i j k l m n o p q r s t u v w x y z 0 1 2 3 4 5 6 7 8 9 #

ultras white knights - hekayet sawra - حكاية ثورة كلمات الأغنية

[verse 1 : uwk] the only verse
أول ما عنيا اتفتحت لقيت الكون كله ظلام
واللى عايز يكسب فيه لازم يعيش من الحرام
بلدي خيرها مش ليها احنا خدامين النظام
آه يا بلادي مش هقدر أعيش فيكي ولا يوم تاني
كتموا صوتي و مصوا دمي و سرقوا كل احلامي
دم فاسد للغلابه ومصايب المستشفيات
حتى اللقمة مش لاقيينها وزوروا الانتخابات
التعذيب فى الاقسام و السجون مليانه اموات
اي حد يقول حقيقه يبقى خارج ع القانون
و اللى يقول لآ للنظام إعلامهم خلاه مجنون
فى البداية شفنا تونس كنا بيها مبهورين
امتى الدور ييجي علينا شعبنا نايم من سنين
لازم نقضي على الفساد وهننزل 25
كان احساس ما يتوصفش واحنا واقفين فى الميدان
كتفي في كتف اخويا واختي بينهم حاسس بالامان
قامت ثورة التحرير في يوم جمعة الغضب
فاكرين كوبري قصر النيل شيخ بيصلي واتضرب
مهما ضربتو بالرصاص مهما نشن القناص
جيش الحق والخلاص فاتح صدره عايز الموت
حرب بين الخير والشر وخلاص مافييش سكوت
فاكرين وسط الاشتباكات ثطعو كل الاتصالات
ولعنا المدرعات بالشماريخ والبراشوتات
راح الحاكم للسجان قالو اضرب فى المليان
أمن الدولة تشهد على كل خاين فيكو
فرمتو كل المستندات اللى قدامنا تعريكو
للحرية فتحنا الباب و كسرنا كل القيود
و اتنحي ابن الكلاب لعساكره فسابو الحدود
قلنا ديا نهاية الشر والظلم خلاص مش هيعود
كدبه و عشنا فيها والشيطان لسا بينا
شالو كلب و جابوا ابليس جاي عشان يموتنا
ست عقود م الزمان والعسكري طلع الشيطان
نهب وذل واستبداد زاد البطش والطغيان
دور ع الحقيقه و انت هتلاقيها ع الحيطان
المعتقلات والسجون فتحت تاني من جديد
رجعو يقتلو في الاحرار و في ايدهم حطوا الحديد
اللى باعونا فى اليدان اشهد يا محمد محمود
و قناصين العيون لجل بلادي الضلمة تهون
كشف العذرية و كمان البت اتعرت م الجنود
دم الشهدا فى المزاد دي رحتكم بدأت تفوح
متخافيش يا ام الشهيد حق أخويا مش هيروح
أه يا بلادي دم نهري رجع لكي الحياه
و الثورة مستمره فكره تضارد الطغاه
النضال هو عقيدتى هو دا طوق النجاه
انا صوت الحثق العالى اللى ما يعرف يوم خضوع
علم الحرية مرفوع والظلم فى وطنى ممنوع

- ultras white knights

كلمات أغنية عشوائية

كلمات الأغاني الشهيرة