a b c d e f g h i j k l m n o p q r s t u v w x y z 0 1 2 3 4 5 6 7 8 9 #

tommy vercetti & dezmond dez - glasmönsch كلمات الأغنية

[verse 1: dezmond dez]
weisch no wones biud z’persönlichste gschänk isch gsi
es p-ssföteli vo ihre für di d wäut isch gsi?
s’dine jungs zeigt hesch, wüu dä so stouz bisch gsi
si gäng drbi gha hesch i dim porte-monnaie
doch während ig si mit mir treit ha, het sich d’zyt verändert
d’schnäuläbigkeit het ihres biud entwärtet
mi lehrt üs egoismus
u facebook isch wie dr virtuell louvre für üse hedonismus
bevor i si ha i dr autstadt gseh
hani si uf fb schomau haubnackt gseh
narzissmus isch es hamsterrad, mir dräihe um üs säuber
hange a de wäng aus abbiuder vo üs säuber
doch si meh aus es profiu u üsi fotographiä
we liebi aues zeigt, wird si zu pornographie
we dänke keni fähler me begeit, de isches rächne
gsichter si nid faces – faces chöi nur lächle
si objekt im blick vom gägeüber: ustuschwar
wo aus vrglichbar wird, wird aues ustuschbar
müesse immer ufem stand si, immer uf dr höchi
zeige aues, doch distanzlosigkeit isch nid nöchi
dialäktik vo dr freiheit – freiheit isch kontrouhe
doch wo me aues weiss, blibt ke platz für vertroue
wo chani no daheim si, isch d’wäut e galerie
aues, wot vo mir nid weisch, macht mi zu däm, woni bi

[hook: dezmond dez]
es panoptikum i digitaler form – mir heis erboue
es perfekts system, wo jede jede gseht zu üser kontrouhe
doch die transparänz laht d’fantasie u t’illusione verschwinde
u wo me aues weiss, wüu me aues gseht, isch me villech erblindet

[verse 2: tommy vercetti]
i ha dr gross brüätsch gseh vorem rav
ä nacktstrand für dini seelä löst ds sunnäliächt ab
ultraschall für di geboränä, porno ufä altar
us dä plüschtiär im bett wärdä monschter im haubschlaf
flügä ar beschleunigung wie muggä entgägä
la mis läbä im oug vomnä grösserä wäsä
cha nur luägä, üm läsä, nur im biud mi no fingä
so viu gwicht uf mim oug d-ss mini finger erblindä
dr narziss isch hypchonder: tod auem zwifu
tod m bazillus, tod am subversivä
doch isch d gier zu obsessiv, d verdouig di bestraft:
zu viu linsä bescherä ä unruhigä schlaf
u täglech wetzi mi a mirä offäheit ab
während ds internet mis läbä zumnä schoufänschter macht
du lasch d chatz usem sack, si lä d k-ssä la klingä
im netz am meischtä wäuä schlat nid d spinnä
me transpiriärä für me transparänz
wenn ds sauz verschwindet wird ds meer transparänt
när gsehsch aui fisch u weisch nüm wisi heissä
u bruuchsch s priisschiud zum die wixer z bezeichnä
b-tch, i wott nid aues zeigä – lamer öppis eigets
mir hei ke bsitz, üs blibä numä d gheimnis
di einzig no offni kolonie isch üses innerä
i wott nid frei si ir erinnerig

- tommy vercetti dezmond dez

كلمات أغنية عشوائية

كلمات الأغاني الشهيرة