a b c d e f g h i j k l m n o p q r s t u v w x y z 0 1 2 3 4 5 6 7 8 9 #

tó semedo - ê só 1 كلمات الأغنية

dja nu tenta y tenta sipara di vês
mas óki nu da kónta nu ta sta djuntu otra vês
dja nu fla y torna fla ma nos nu ka ta da
mas basta nos nu kontra pa nu skese tudu y tenta
será ki é sô nos ki ka t’odja ma un amor asi é difísil di nkontra oji en dia?
un amor pa réstu di nos vida
será ki é sô nos ki ka ta xinti ma korason ka ta minti?
fla_m kuandu ki nu ta konvense

pode atê sól y lua troka lugar
pode atê es téra bira mar
ma nos amor é sô un
pode atê es mundu da txeu vólta
ma nos amor sénpri ta volta
ma di nos é sô un

nu ka meste luta ku el, nu ka meste fuji d’el
el é más fórti ki nos y nu ka pode vense_l
midjór nu seta y konforta ku es amor ki deus dja da
nu poi konfiansa en primeru y nada más, baby, nada más ka inporta
nu dexa sentimentu fala kel ki bóka ka ta konsigi spresa
k’o ten medu di luta nen medu di nfrenta
ka ten nada ki ta pode muda_l pamodi el sô un
bu fla_m kuandu, kuandu ki nu ta konprende

pode atê sól y lua troka lugar
pode atê es téra bira mar
ma nos amor é sô un
pode atê es mundu da txeu vólta
ma nos amor sénpri ta volta
ma di nos é sô un
kuandu ki nu ta konvense y ki nu ta konprende
ma nos amor é sima ar ki nu ta raspira: e ka pode falta

el sô un, ó baby
e ka pode falta

pode atê nórti bira sul
pode atê mar dexa ser azul
ma nos amor é sô kel un

baby, nu konvense m’é sô kel un

- to semedo

كلمات أغنية عشوائية

كلمات الأغاني الشهيرة