the golden ali'is - tatau a samoa كلمات أغنية

[verse 1]
‘o le mafuaaga lenei na iloa
‘o le taga le tatau i samoa
‘o le malaga a teine e to’alua
na fe’ausi mai fiti i le vasaloloa

[verse 2]
na la aumai ai o le ‘ato au
ma si a la pese e tutumau

[chorus]
fai mai e tata o fafine
‘ae le tata o tane!

[instrumental]

[verse 3]
‘o le ala ‘ua tata ai tane
ona ‘ua sese si a la pese
taunu’u ‘i gatai o falealupo
‘ua va’aia loa o le faisua ua tele

[verse 4]
totofu loa’o fafine
ma’ua sui ai si a la pese
[chorus]
fai mai e tata o tane
‘ae le tata o fafine!

[instrumental]

[verse 5]
silasila i le tama ‘ua ta’atia
‘o le tufuga le a ‘ua amatalia
talofa, e ‘ua tagi aueue
‘ua oteote solo i le ‘autapulu tele

[verse 6]
sole, sole ‘ia ‘e loto tele
‘o le ta’aloga fa’atamatane
e ui lava ina tiga tele
‘ae mulimuliane ‘ua e fefete

[verse 7]
‘o atunu’u ‘uma o le pasefika
e sili samoa le ta’uta’ua
‘o se soga’imiti ‘ua savalivali mai
‘ua fepulafi mai ana fa’a’ila

[outro]
‘o ‘aso fa’aifo, fa’amuliali’ao
fa’ātualoa, selu, fa’alaufao
‘o le sigano fa’apea fa’aulutao
‘ua ōva i le vasalaolao

كلمات أغنية عشوائية

كلمات الأغنية الشائعة حالياً