tajvin - الله محبة | god is love كلمات الأغنية
الشارع ظلمة، اعتقد ضعنه
ساكتين، ماكو من يسمعنه
الله مو متاهة، شلون عنه تهنه ؟
الحياة حلوه، مو احلى من الجنه
يوميه نفس الغلط نعيد، ماتعلمنه
الف مره، بنفس الحجر تعثرنه
عرفنه قيمة العكازه يوم وكعنه
لحظات غضب بيه سنين ندمنه
افكارنه بحر عميق، بالعاصفة ابحرنه
جيل غريب، صعب عليك تفهمنه
طموحنه النجومية، نسينه بالكاع رجلنه
القناعه شمس، نظارات شمسيه لبسنه
ينسمع الحزن من ضحكتنه
تضوي الدنيا بـ لمتنه
صغار بالعمر بس الدنيا تعبتنه
بالحصار ولدتنه، عالاحتلال كبرتنه
ضيعتنه، دمرتنه، مثل وطنه
عرفوا بينه ورود فـ انخطفنه
حجينه الحق ف انحبسنه
حاربونه، قيمونه من لبسنه
حاربونه لحد ما مات حلمنه
حاربونه، صرنه نخاف من نفسنه
مسجونين بتقاليد اهلنه
وشنو يعني الله، اهم شي العالم مشافتنه
من صغري تمنيت أكبر، كبرت، وإشتاقيت أصغر
لكيت، الحياة صعبه، تعلمت شلون أصبر
تعلمت شلون أعبر على كل الظروف
تعلمت شلون اقوى، نسيت معنى الخوف
كل وكعه بمثابة درس، تخرجت من مدرسه الوقوف
كل طعنه صاحب غيرتني وصار الصديق مألوف
الحقيقي باقي موجود والمزيف يعوف
رغم وساخة الحياة بعدني اللعب عالمكشوف
مالي وهس اخدع أحد، ولا اريد فشل أحد بيوم اشوف
الله محبة، الله سلام، وهذا الشي مكتوب، معروف
اريد اسمع صوت اجراس، مليت من الكلاشينكوف
متغرب عن بلادي مثل ورد مقطوف
نسينه نرفع ورود، علمونه نرفع سيوف
حرب، شيلوا الراء وخلوا الحب يطوف
بس بشر يموت، ليش ما تموت لـ حروف
اني ميت، عايش مدفون، بـ همي ملفوف، الأمل مكتوف
رغم كل المشاكل بعدني اضحك
اذا تنهزم يدوسون على جرحك
فرح قابيل بالاول حته هابيل يفرحك
علم أولادك المحبة الرب بهذا ينصحك
استر عرض العالم محد راح يفضحك
عيش حياتك، واتذكر، لا تدخل بحياة غيرك
ولازم الله نتشكر، احنه بـ خيره، مو بـ خيرك
كلمات أغنية عشوائية
- zedd & kesha - true colors كلمات الأغنية
- thalía - vuélveme a querer كلمات الأغنية
- amir - oasis كلمات الأغنية
- meadowlark - satellite كلمات الأغنية
- animus - dreht sich كلمات الأغنية
- los rojos - ven, ven كلمات الأغنية
- frostbitt - icicle كلمات الأغنية
- chris brown - whippin' كلمات الأغنية
- labregos do tempo dos sputniks - cántiga pra unha antroidada كلمات الأغنية
- pouya - great influence كلمات الأغنية