artists: a b c d e f g h i j k l m n o p q r s t u v w x y z 0 1 2 3 4 5 6 7 8 9

sayed mekawy – يا ابو زعيزع قوم صلي كلمات اغاني

Loading...

يا أبو زعيزع قُمْ صَلِّي دا أنت ف ريح المتولي
خلِّ مراتك زعزوعة تلحق تطبخ وتقلّي
لسه الشهر اتنين منّه والجيب عمران على سنّه

ويا ما أحلى يوم الجمعة والغدوة رزّ بدمعة
واللحمة كمونيّة والفتّة بالتقليّة
يا أبو زعيزع قُم صَلِّي يا لا لي يا لا لا لي
قُمْ صلِّي وانزل ع السوق هات كيلو لحم مشفّي
م الموزة لا عضم ولا عروق لَجْل يحوَّق ويكفّي
زعزوعة فين بواجيرك فين حِللك فين مواجيرك
أنا رايح زاوية أبو شوال بدل الجامع والزحمة
على بال الخطبة ما تنقال تكوني انتي طبختي اللحمة
وحا جيب لك حاجة تحلّي يا لا لي يا لا لا لي
أبو زعيزع راح صلَّى ورجع م الجوع يتقلَّى
لقى بواجيره مطفّيّة والحلّة كمان مكفيَّة
زعزوعة يا زعزوعة ما لك كده ليه مرزوعة
قالت له عندى زغطَّة واللحمة كلتها القطَّة
الراجل بقى يتكفَّى حطّ القطة في الكفّة
القطة طلعت كيلو واللحمة كانت كيلو
يا لا لي يا لا لا لي
يا برُطّة يا أمّ زغطّة هو ما فيش عندك رحمة
آدي اللحمة فين القطة وادى القطة فين اللحمة
الملفات المرفقة

/ sayed mekawy