![kalimah.top](https://kalimah.top/extra/logo.png)
stiller has - geischterbahn lyrics
[intro]
s läben isch e geyschterbahn
am morge früech im erschte tram
s läben isch e geyschterbahn
[verse 1]
obwohl ke fasnacht isch hets larve
“e schöne tag” suuberi purschte
gseh hinger jedere maske
scho grad e nöiji füre cho
so schlimm wies uusgseht chas nid cho
i däm kaschperlitheater
es isch wie z wien
im wurschtelprater
i gloub i spinne
es isch der angschthas
i mir dinne wo mir seyt:
“ney häsu, du bliibsch da
deheym isch deet
wo me nid usecha”
sie hey chli angscht
u stelle sich möglichscht nach zur türe
wo de notfallhammer isch
sie tüe sich gruuse
öpper wott use
u me fahrt wyter mit em tram
so i ha zahlt, jetz wott i fahre
i hane charte glöst
i wott go jätte i my pflanzblätz
u dert warte öb öpis chunt im schrebergarte
[verse 2]
i wott go schnägge schnätze
spargle stäche
über ds verbräche drüber räche
go böim umsage
rase schpränge
wäg planiere
u platte häre
i gieng so schampar gärn go gartne
cha zwar nüt pflanze
doch i würd e zuun rundume zieh
oder e haag us buchs
u we glych öppis chäm
ne würd i bschütte wes nid schiffet
würd umestäche we ds wätter e chli wott
aber ds läben isch e geyschterbahn…
[verse 3]
i ha leyder ke parzelle
i ha nid emal es gartetor
kes gärtli für e fride
woni chönt härelige
ke stuehl
kes sofa, ke bode, ke gartesitzplatz, ke prärie
u glych dänk i mir
es wär doch schön
es grab mit ere blueme druf
oder wenigschtens e lääre bluemetopf
i ha no nie e wohnig gha
i bi chli hie
u bi chli da
i bi chli überall u niene
s läben isch e geyschterbahn…
[verse 4]
u jetzt hani vergässe
werum i hie im erschte tram desumefahre
mit miim spaten i der hand
u dene lüüt wo früsch putzt sy
u zum fänschter use luege
obwohl me wäg der wärbig
überhoupt nüt meh gseht
wyll jede quadratcentimeter gnutzt wird
ja für die bini nume es gschpängscht
e schwarze gedanke wo mit ihne
is w-nkdorf usefahrt
sie loufen eyfach dür mi düre
als ob i gar nid würdi sy
u stäle mer myni neui schufle
u grabe sich sälber ii
(oh) i bi so truurig
wyll niemer mi wott gschpüre
sie luegen eyfach wäg
di glyche lüüt notabene
mit dene
won i am änd geschtern scho im letschte tram
uf d’allmänd bi use gfahre
[intro repeat]
ds läben isch e geyschterbahn
am morge früech im erschte tram
s läben isch e geyschterbahn
[bridge]
i zieh mys gsicht ab
blybe cloon
und fahre bis zur ändstation
s läben isch e geyschterbahn
[outro 4x]
e geyschterbahn
e geyschterbahn
s läben isch e geyschterbahn
كلمات أغنية عشوائية
- richard saguin - chanson pour durer toujours lyrics
- misfits - teenagers from mars (bobby steele version) (live) lyrics
- misfits - spook city usa (song shop studio session c) lyrics
- misfits - demonmania lyrics
- los amigos invisibles - que rico lyrics
- fields of the nephilim - returning to gehenna lyrics
- fields elysian - off or out lyrics
- rainbow - man on the silver mountain (live) lyrics
- rainbirds - sympathy for the devil lyrics
- rainbirds - nowhere to go lyrics