snoop rc - darawesh || دراويش كلمات الأغنية
[snoop rc : المقطع الأول]
وتغيب الشمس مهما تغيب بخيوطها تانى بترجع/
موجوع ياضهر من الترحال وفى كل مرة بنندم/
ونقول نصيبنا.. معادش باقى فيها مننا/
يا مراارة حكم الهوى ياللى بالمحال عشمنا/
تتحنى ايديا بدم احمر ورثته من شال امى/
يوم ماقالتلى ظروفك سيبها فى ضهرك يمكن وقتها تقدر/
وبأيه يفيد البوح واقرب ناسك مش سامعينك / وازاى وريدك يصبر وانت دموعك خانقة عينك/
كونك غبى وطيب مش شفاعة تحلك من الترحال/
يابراح الكون يا ضيق.. شورنى ازاى اكون نساى/
درويش بيسند روحه بذكر اسم حبيبته/
تايه وسط خرز السبحة يضحك لما يلمح طيفها/
قاصدك يارب وعارف ان لكل عاشق قبلة/
كنت قابل اشيل ذنوبها رغم كونها حابه تبعد/
مين فينا عاش مبسوط خلى وشوش الناس دى تقول /
ان مرة الوحدة يحلى لو ابقى لحالى بعيد عن دول/
[afifi : المقطع الثاني]
وادينا بعدنا اصبح ملينا فيها مكان
دى خلق وسخه بس بتجمعنا قعده دخان
اعقل مافينا مختل ملعون ابونا خلق
اكيد مكنش هدف الخالق من خلقه انو يتزل
ونتوه مبين ضلوعنا و ننزف احزان
ملهم نعزف الحان فعروقنا الدم بهتان
يا سيدى الصبر فين مفتاحك باب الفرج صدى
منيش ايوب ولا هصبر صبر الجمال فلصحره
العشق اتحرم على الغلبان درويش و فوسط الزحمه تاه
ملقاش فظهره غير هموم والليل يدارى الااه
كسبت مين خسترت مين انا فرحى جوا طير حزين وطار بعيد
يا طبول على الراس دبت ودى فرحه متمت هعيش وحيد
شلاه يا سيدى الفقر خدمين مقامك
احنا كلاب جنابك تحت تراب مداسك
دوس عليانا لجل الباشا
دى مش بشاشه دا الزمن قرر يسيب علامه
يمكن شقوق وشوشنا تشفعلنا يوم القيامه
كلمات أغنية عشوائية
- philip lewin - back home, to you كلمات الأغنية
- szulinio - bariera كلمات الأغنية
- pytho - the roof كلمات الأغنية
- amaia montero - donde estabas - david van bylen remix كلمات الأغنية
- wve - twg [the worst guys] كلمات الأغنية
- arcade fire - itis never over (hey orpheus) كلمات الأغنية
- allie x - r3born كلمات الأغنية
- svaba ortak - ibrakasvaba كلمات الأغنية
- hustleman q - catch a body كلمات الأغنية
- one accord - release كلمات الأغنية