![kalimah.top](https://kalimah.top/extra/logo.png)
shahyn - surreal art (100bars) فن سريالي lyrics
[المقطع الوحيد]
microphone checka.. انا بتاع الفرتكة
انا بتاع الدوشه والدربكة
فاستعد منك له للمجزرة
اي حته بنروحوها بنقلبوها دندرة
يالا 1 2 3 عبي في التلاجة
جمود فكري لا محاله انه يتفك
عقارب الساعة بتلف تيك تك
وانتا لا مبالاه بتلف في سجايرك
تسمع في المزيكا الي تشفي الانارخ
كلام قارح على المداري بس جارح
ف مش هتفرق لو ساعدتك مش فاهم
مانتا خلاص اتعودت على الكلام الفارغ
بطرمان برطريطة بنت حلوه ماشية نشيطة
ده الي انتو عايزينه ده الكلام الخلطبيطة
شوف كام نكتة قالها شعبنا
وسط زحمة الهموم الموجوده عندنا
واهي ضحكه ورا بسمة تمشي العجلة
فبنفرفش بدل ما نطق من سكاتنا
ده احنا ياما شلنا لما عضمنا اتدغدغ
تعبنا من كتر ماشوفنا حاجات تدوخ
فكر ومخمخ بدل م انتا مأنتخ
مودك هو هو ويومك بوخ
ترابيس ترابيس ضبه ومفتاح
محتاج عقاقير افتح بيها الدماغ
اشيل طبق الفول الي مكان الامخاخ
يمكن اقدر اغير احوال الناس
اصل انا من الناس لا مش الهاي كلاس
ولا الاريستقراط الي معاهم كاشات
انا من الطبقه المطحونه الي بتركب اتوبيسات ومشاريع
مش ماشي على الموضه ولا متابع تقاليع
مش عشان بغني وبأقف على مسرح
يبقى انا جيبي عمران وفي كل حته بسهر
لا ده انا منكو زي زيكو
وبلهجه اسكندراني هنتكلمو
مش عاجبني حالكو وصعبانين عليا
نسبه ثقافه جنسيه 2.5 في الميه
عشان كده بنكترو بطريقه مش طبيعيه
مفيش زحف عمراني في زياده سكانيه
أكم مهندسين شغالين صنايعيه
كام واحد صاحب مصنع مخدش اعداديه
كام محامي شغال سواق تاكس
كام واحد خالي شغل وفي بيته مرمي
كام واحد رأيه من رأي مقطوع لسانه
انا عشان حاسس بيه بتكلم بداله
انا الاعمي شاف كلامي والاطرش هسمعوه
انا بني ادم ياما الدنيا خبطته
والضربه الي مبتموتش صاحبها بتعلمه
وانا ياما اتعلمت من الدنيا دروس
فا هزعق وابوح بالكلام المسموح انه يتقال
من غير مناقشه وجدال
اختلاف مستويات وطبقات
مناقشات ما بين الناس مصادمات
مدفونين شيلونا من تحت الانقاض
الكل مخه واقف والكل عنده احباط
قيود على دماغنا واحنا مش عارفين نفوق
ولما جيت اتكلم قالو عليا واد مجنون
كرمشه وتجاعيد تحت هذا الوش
عجوز ومتنكر في صورة طفل
طفل في وزن مقدار قليل من الانسانية
شايل فوق كتافي طن من المسؤلية
هيا هيا هيا هيا
دي قضية مطروحة على الرأي العام
لكن العام خصخصوه والاجانب اشتروه
عمالين يشترو ويبيعو فينا
افهم معنى الكلام يا بلدينا
كلنا مرمين في نفس السفينه
فا لو غرقت في يوم هتغرق كلها بينا
حاميها حراميها هو حامينا الي رامينا
بعيد بعيد عن المينا
يحدفنا الموج وعلى الغويط يودينا
والموج بيبقى عالي في بحر الازمات
ممنوعين من الكلام ومن السكات
ممنوع الحريه والتعبير عن النفس
ممنوع الكلام في العلوم وفي الجنس
الخ قائمة ممنوعات تستمر
ساعات ساعات ساعات ساعات
ابص لنفسي القى تقشفات
وساعات كمان ساعات يا واد
افتش جيوبي م الاقيش كاشات
عايش وساكت وراضي بي حالي
ورميت كلامي في الملاحات
اوقات بكون سعيد وببقى راضي
ومش هاممني حتى عمري الافتراضي
اوقات بفكر هعمل ايه في بكرا
و لما ييجي بكرا الي قبله يبقى ماضي
سميني باحارب سميني بتحارب
رافض اكون تقليدي سميني فار التجارب
سميني شارب مخه شارد ومش عارف ماله
مفلس بدون دخل ثابت سميني الي مايل حاله
سميني العبقري بالوراثه
بما ان كل العباقره فشله في الدراسه
ساعات باسافر بدماغي
واسيب جسمي في بلادي
اسرح في عالم تاني من وحي خيالي
اتخيل نفسي بارسم لوحة فن سريالي
متقنة مشفرة بس مفهومة المعاني
كلامي سيمفونية مظبوطة
معزوفه من غير ماقرا النوته
توته توته فرغت الحدوته
حلوه ولا ملتوته
كلمات أغنية عشوائية
- kydea - uber everywhere ( lyrics
- kano sunsay - señor presidente lyrics
- hideandseekzoo - out of orbit lyrics
- frederic (japanese) - yoru ni rock wo kiiteshimattara lyrics
- king skam - almost ready (interlude) lyrics
- nómada - an angolan haunting lyrics
- deuce - catch me if you can lyrics
- hi-tone - loyalty lyrics
- alexander - a million years lyrics
- hakim (fpr) - interlude lyrics