a b c d e f g h i j k l m n o p q r s t u v w x y z 0 1 2 3 4 5 6 7 8 9 #

shahyn - meen qal | مين قال كلمات الأغنية

[اللازمة]
مخي مش طاقق لا دا موزون
كل محطة مخطط ليها لون
ذهني حاضر وجاتلي فكرة
فسيبوني أشوط يمكن تيجي جول
أنا مخي مش طاقق لا دا موزون
كل محطة مخطط ليها لون
ذهني حاضر وجاتلي فكرة
فسيبوني أشوط يمكن تيجي جول

[المقطع الأول]
دي ببان سعي وأنا أطفش كوالين
وإنتو لسه شغالين
نصايح وتنظير
بكرة تعرفوا هبقى مين
أصل كل دا كان حلم
زمان وأنا صغير في السن
ما كانش في جيبي ولا تعريفة
فقالولي فكك فكك حل
بس أنا دماغي كانت سم
وما همنيش الجن
لا رميت ودني ولا سمعت
وشوف دلوقتي أنا أبقى مين
[قبل اللازمة]
فمين قال لازم أبقى تابع ليك
مين قال لازم الطريقة دي
ليه مش الطريقة دي أو الطريقة دي
مين قال لازم أبقى تابع ليك

[المقطع الثاني]
كان فيه مية مغامرة فطشة
مافيش توجيه، حماس جاب ورطة
أخد شلاليط ومية لطشة
لكن المغامرة مية وواحد كانت طفرة
فماتقوليش إن إنت أدرى
ما تهاودنيش وتقولي دي فترة
فيه حاجات مش هقدر أجربها لما أكبر
ومش هعرف أرجع لتاريخ النهاردة
أكون فنان، أرسم على كانسون
أرطن لغات، خريج ألسن
نجم شباك، أقفل سينمات
رجل أعمال، ساويرس في نفسه
[قبل اللازمة]
فمين اللي قال لازم أبقى تابع ليك
مين قال لازم الطريقة دي
ليه مش الطريقة دي أو الطريقة دي
مين قال لازم أبقى تابع ليك
مين قال لازم أبقى تابع ليك
مين قال لازم الطريقة دي
ليه مش الطريقة دي أو الطريقة دي
مين قال لازم أبقى تابع ليك

- shahyn

كلمات أغنية عشوائية

كلمات الأغاني الشهيرة