a b c d e f g h i j k l m n o p q r s t u v w x y z 0 1 2 3 4 5 6 7 8 9 #

samoerai - noois noois كلمات الأغنية

zegt noois noois, wen da toch nie in de hand
peis je da julie en melissa oois adn gedacht
dan ze et symbool ging wordn van e pedofiele misdoad
up elk moment ku’t leven roare bochten insloan

niemand is oenschendboar, geboar je nie van den dom
oj weer een artikel ziet paseren over etwa stoms
peizst nie dat joe zeune of dochter nie zoе kunnen overkomn
dat verkeersaccidеnt of die overdosis bestoan

ze zien nie enkel toegeschreven an e minderheid
et leven kut us elk moment ontroven van de simpelheid
iedere kleine vlinderslag kut ergens e gevolg en
wuk maakn we us eigen wijs on we claimn daw et vervolg kennen
zeg noois noois, der bestoan gin barrieres
tussen riek en arm zien up et vlak van et planetaire
vele daklozen adn e succesvolle carrieres
zoender oois te peizn nie eens geld te en voe’t ordinaire

we peizn vaak dat et met us nie ku gebeuren
mo der zien genoeg demonen anwezig dien us kun verscheuren
pietje de dood kut jen up elk moment verassen
der stoa nergesn up papier dat et leven lange goa deuren

tis nie zo vanzelfsprekend lik of da we meestol peizn
koestert elke dag oneindig, tracht mentaal nie te bezwijken
zet je perspectief nie vast, mo lat ruimte voe wa speling
want de toekomst stoa nie vast mor is constant in beweging

zeg noois noois, in de toekomst kuj nie kieken
wat dat er te gebeuren volt kuj nie voraf begriepen
olles is meugelijk, dus lat de kanse open
dat er oois nog een aap ut de mouwe komt gekropen

zeg noois noois, in de toekomst kuj nie kieken
wat dat er te gebeuren volt kuj nie voraf begriepen
olles is meugelijk, dus griept ieder moment
met beide oarms vast, want enkel et nu is permanent

zegt noois noois, mo ziet andachtig
anwezig int moment, up je hoede en verstandig
niemand is zo speciaal dan ze’t lot zoen kunnen ontlopen
dus lat us de dag koestern en up nog wa dagen hopen

zegt noois noois, e mens is zo veranderlijk
binnen e poar joar goj no jezelvn kieken, en ziej anders
soms kut 1 kleine pivotaal moment je transformeren
en kuj olles daj toet up da punt geloofde rap vergeten

zegt noois noois, das fatalistisch
absoluut, incorrect en bovenup deterministisch
zoekt nie achter controle up e plek die da nie toestoat
mo lat et liever los, daj kracht et, moest et toesloan

zegt noois noois, we moen us voorbereiden
up et feit da alles kan, up elk moment, dat is eigen
an us leven, doet et deur et nie te bestuderen
mor et los te loaten, en int nu de dingn te accepteren

zeg noois noois, in de toekomst kuj nie kieken
wat dat er te gebeuren volt kuj nie voraf begriepen
olles is meugelijk, dus lat de kanse open
dat er oois nog een aap ut de mouwe komt gekropen
zeg noois noois, in de toekomst kuj nie kieken
wat dat er te gebeuren volt kuj nie voraf begriepen
olles is meugelijk, dus griept ieder moment
met beide oarms vast, want enkel et nu is permanent

- samoerai

كلمات أغنية عشوائية

كلمات الأغاني الشهيرة