![kalimah.top](https://kalimah.top/extra/logo.png)
rayess bek - intikhabet 09/انتخابات ٠٩ lyrics
قالو لي انزل انتخب
قلت لهن انا ناوي بنزل بنتخب خيّي بس
بدّي نتخب حدا يمثّلني، ما هيك؟
ياخيّي انا تحت بالبلد، من بمثّلني؟
انا شخصيا مثلا مع زواج المدني، طيّب، عادي
اليوم سمّي لي واحد مع زواج المدني
انا حاليا ما بعرف
بالنسبة لالي بفتكر انّو زواج المدني هو الحل الواجيد لهيدا البلد
لانو اذا تزوّجنا بين بعض
بركي بنصير بنفهم بعض،
او بركي بركي بررركي، بنحبّ بعض
ياخيّي انا كيف بشوفها؟
مع زواج المدني ابني يامّا بنتي يامّا شو ما كان بصيرو بقولو انا لبناني
مش انا شيعي انا سنّي انا كاثوليكي انا ماروني
بصير بقول هيدا الصبيّ انا لبناني
بقول لك: بيّي درزي امّي مارونية ستّي شعيّة جدّي سنّي كاثوليكي روم مثلا
شو ما كان، المهم خليط
[?] هيدا الولد
اية رجل دين بدّه يجي عامله غسيلة مخ
لانو الدين اليوم بلبنان او برّاد لبنان بروباغندا
يعني، للاسف خلّفو قد ما فيكهن
كبّرو الطوائف
كثّرو الطوائف
وانـزلو انتخبو ياااشباب
الّي بخلّف اكثر هو بربح بالانتخابات، لذيذة الفكرة لا؟
عا اساس طائفتك انت الّي اخترتها
مش هنّه جبروك فيها
مش انّو بلّعوك الدين بالبيبرونه، لااااا شو هالحكي
انت خترت دينك بكل واعي
ولاك بتفتخر بطائفتك
عا اساس هيّه مش شهادة من شي جامعة
لو الّي اضحك من هيك انّو بتعتبر حالك انّو انت بتمثّل الكل
وبحقّق لك تحكي باسم كل طائفتك
شي بضحّك
شي بموّت ضحك
او شي بموّت بكي
او شي بموّت
بس
بموّت
المهم خلينا نرجع عا موضوعنا
لكن انا لمين بدّي صوّت؟
مين بمثّلني بهيدا البلد؟
مين مع زواج المدني؟
وبشكل عام مين مع العلمانية
خيّي ما بتفهمني غلط انا مش ضد الدين
بدّك تصلّي وتصوم على راسي
انا بحترم رايك
بس دخيل ربّك تركه لربّك برّاد السياسة
ليك ما نكذّب عا بعض، اليوم الاحزاب مبنية عا الطوائف
ليك ما كلنا ٤ ملاين مخلوق بهيدا البلد
طاب اذا في ٧٢ الف طائفة
كيف انا اخلص منها هاي الخبريّة
يعني كل ثلاث اربع اشخاص بعملو طائفة اوبعملو حزب
فبفتكر العلمانية هيّه الحل الواحيد لهيدا البلد
يعني انت اليوم شو ما كانت طائفتك فيك تنزل تصوّت لرجل سياسة افكاره منسّاقين [?] مع افكارك
مش لانو هو من زيت الطائفة
طيّب اليوم مين هو المرشّح العلماني
الّي مع زواج المدني
الّي انا بدّي انزل اعطي صوتي
مين هو هيدا المخلوق الّي قرّر يشتغل للشعب اللبناني بشكل عام
ومش لمنطقة او لطائفة معيّنة
مين هو هيدا الزلمة المقرّر يحلّ المشاكل الاجتماعية بلبنان
ايّة مرشّح حاكي عن المشاكل التربوية بالمدارس العام مثلا
او عن حقوق الانسان بشكل عام
او عن حقوق المراة بالتحديد
مين مستعد يحلّ مشكلة الكهرباء بلبنان
دخلك ما الها حال الكهرباء صرنا بال٢٠٠٩ كس اختها
ياخيّي مين حاكي عن اقتصاد عن الصناعة بلبنان
عن العمل عا المستشفيات ولك الانترنيت خيّي
ولك الفساد بشكل عام
يعني مين مستعد يشتغل بشكل عام لكل لبنان ولكل اللبنانية
مين فكّر يعطي حقوق للفلسطينية عايشين بلبنان
ما لاقينا حلول ما هيك؟ ديموقراطية ما هيك؟
ياخيّي الطبقة السياسية موظفين دولة
يعني هنّه موظفين عنّا مش العاكس
مين هو هيدا الزلمة الّي بدّي انتخب له
بس شاطرين يقولو اميركا وسوريا طيّب عادي
فاليوم بنعمل الاحزاب مش لانو متفقين على المبادئ المشتركة، لا
اليولم بنعمل حزب لانو متفقين انّو نحنا كلنا بهالحزب نكره هيداك الحزب
فاحزابنا مبنية على كره
نكره الاخارين
واذا بدّك الدليل خيّي ما بدّها شي افتاح فايسبوك
فبسفّي كل مشاكلنا بسبب الاخارين
على طول الحق عل اخارين
كل مشاكل البلد من الاخارين
بس انا، انا شخصيا انا، انا ما بقبد
ديني هو الديني المضبوط
سياستي هيّه السياسة المضبوطة
وحزبي هو حزب المضبوط
انا ماشي صح ١٠٠ بال١٠٠ من ٧٥ لهلا
فمن هول الاسباب الّي سمّيناهن كلهن
الطبقة السياسية ما تغيّرت صار لها شي ٤٠ سنة
زيت الأشخاص، زيت المشاكل، زيت الحبّ
فانا شخصيا
مين بمثّلني
لمين بدّي انزل صوّت
اصلا حدا يفسّر لي لشو هدا الانتخابات
شو فرقت عن انتخابات الماضية
او الّي قبلها
او الّي قبل قبلها
او شو حا تفرق عن انتخابات الجيّة
انتخابات
ههههه هه
اهلييين
كلمات أغنية عشوائية
- latimore - jolie lyrics
- שושנה דמארי - yatzanu at - יצאנו אט - shoshana damari lyrics
- angels in the trap - so slow lyrics
- bad pony - hand me down lyrics
- cumdaddies - city of the dead (scene one) lyrics
- akri - ssd lyrics
- eryxse - ghost girl lyrics
- onur can özcan - eylül lyrics
- leandro ríos - apenas te fuiste ayer lyrics
- lil pump - pump flow lyrics