![kalimah.top](https://kalimah.top/extra/logo.png)
raouf bkl - yhabouna / يحبونا lyrics
[اللازمة]
يــحــبـــونــا نـكونـو كيـما يحـبو هوما
يـلــعـبـو بيـنا ، يـشـريـونـا و يبـيـعـونـا
كي الروبوات ، مالبيروات يتحكمو فينا
غير بالبوطوات ، يـحـييـونا ويـقـتـلـونا
[المقطع الأول]
يـحـبّـونـا أمّـــيّـيـن ، شـعــب جــاهــل و بـكّــــوش
في السياسة ما نفهموش les droits في la loi في
ديما في صف البوفوار لي يديروه مانعـــارضــوش
حــتى فـي تـقــريـر مـصـيـــرهـذ الـبــلاد مــا نــدّخـلـــوش
يـحـبّـونـا شـيــاتيـن ، في الـحـزاب مــا نـدخــلــوش
للمناصب الكبرى تاع الدولة ما نترشحوش
يكرهونا و نحبوهم بيهم ولّا ما نعيشوش
نرضاو بيهم و بفسادهم, من البلاد ما نخرجوش
يـحـبّــونـا مـانـشــوفــوش وإذا شـفـنــا مـا نـقـولــوش
مـال الشعـب آو في المـلاهي يشـطـح بيـن صحــاب الكـروش
مــــــا نــهــدروووووش ،و بــحـقــوقـنــا مــا نـطـالـبــوش
نرضاو بالسرقة نعيشو الحقـرة و البطـالة و ما نثـوروش
يـحـــبّــونـا مـــا نـقـــراوش ، لا قــريـنــا مــا نـنـجــحـوش
لـي بلي ديبـلـوم مـا يخـدمـوش و إلا خـدمـو ما يـربحـوش
مــا نطوروش ، ما نحـلـموش ،لـمخاخ تاعنا ما يوصلوش
بــاه الــكــرسي يـبــقى ديـمـا لــمـول الـديبـلوم الـمـغـشـوش
[اللازمة]
يــحــبـــونــا نـكونـو كيـما يحـبو هوما
يـلــعـبـو بيـنا ، يـشـريـونـا و يبـيـعـونـا
كي الروبوات ، مالبيروات يتحكمو فينا
غير بالبوطوات ، يـحـييـونا ويـقـتـلـونا
[المقطع الثاني]
يحبّونا نعبدوهم ، منهم نخافو
نفديوهم بالرّوح ، هوما يعيشو و حنا نموتو
بسيف نحبوهم مالقري فينا يسرقو
كي نشوفوهم جايين لازم نوقفو و نسرفقو
يـحـبـــونـا – كبـار و جايحيـن كـي الـمـازوني
فـنـانيـن ضايعين بالشر ونغنّيو “يحيا سلطاني”
نضربولهم الشـيـتة و نـذكـروهـم غـيـر بـالخير
ديـما وراهم كـي الـكـلاب ، بـالـزمـارة و البندير
ويحـبّونا سيـرتـو كـي يجـيـو الانـتـخـابـات
يزورونـا بارتو حـتّى فـي الـبـلـديــات
ينـحّـيولنا الدودانـات ، يصبغولنا الطروطوارات
يـنـسـيـونـا فلي فـات بالكـذوبـات و الـحـفــلات
يحبّونا كتر و كتر ، في النهار تاع الفـــوط
يعطيولنا حتى الورقة لي نحطوها في الصندوق
للرئيس المحطوط ، نـسـخــنـو الـبـنــديـــر
نـطـبـلـو مع الفقاقير و نعيـطـو بلادنا آي بخير
[اللازمة]
يــحــبـــونــا نـكونـو كيـما يحـبو هوما
يـلــعـبـو بيـنا ، يـشـريـونـا و يبـيـعـونـا
كي الروبوات ، مالبيروات يتحكمو فينا
غير بالبوطوات ، يـحـييـونا ويـقـتـلـونا
[المقطع الثالث]
يحبّونا نَدْمْرُو عليهم و فامنا مسكرين
بزوج دورو نخدمولهم كتر من لي ماشين
فالرخس والطحين ، نعيشو بالكريدي والدين
في حياتنا مهمومين و نزيد نموتو مسوالين
يحبّونا كي العبيد ،في زمان التكنولوجيا
ما دابيهم يركبولنا كاش بيس الكترويا
يمشّيونا بـ لي كوموند و يسمّيونا الشعب المطيع
روسنا ديما في الارض باه ما نشوفو لا شرا لا بيع
يحبّونا دايخين ، بالسلعة تاحهم ديما زاطلين
هوما يدخلو الملايين و حنا للحباس داخلين خارجين
هوما ديما الصاحين و حنا المفسدين
في عينين المجتمع مجرمين محروقين
هوما كبار و مسؤولين يخمّو فينا ليل و نهار
و الدليل على جالنا يباتو ساهرين في لي بار
يحوسولنا عالحلول باه يحميونا من لاكريز
لازم يخبيولنا الدراهم في لي بونك تاع لاسويس
[اللازمة]
يــحــبـــونــا نـكونـو كيـما يحـبو هوما
يـلــعـبـو بيـنا ، يـشـريـونـا و يبـيـعـونـا
كي الروبوات ، مالبيروات يتحكمو فينا
غير بالبوطوات ، يـحـييـونا ويـقـتـلـونا
كلمات أغنية عشوائية
- pedrina, diana gameros & cortuah - estamos juntos lyrics
- supamoon - pearl clouds lyrics
- prom threat - spacesuit lyrics
- exetra beatz & ventorproductions - dämonen lyrics
- tothemoon (deu) - donner lyrics
- ademir - all smiles (interlude) lyrics
- szopeen - #hot16challenge lyrics
- sick sosa - corri veloce lyrics
- jaykid sog - black birthday lyrics
- kingkhanmusic - runnin' lyrics